منذ 8 سنوات
مزمز 2
في فيديو متداول لخادمة اثيوبية لحظة قفزها من الدو السابع وسقوطها على الارض ثم نجاتها باعجوبة.
ويظهر بالفيديو وهي تتعلق بطرف “شرفة” احد المنازل في صباح السالم بالكويت لحظة محاولتها الانتحار، لكن كما يبدو انها ندمت على ذلك واخذت في الصراخ لكفيلتها لمساعدتها.
لكن المفاجئ والغريب بان كفيلتها لم تهتم لها، ولم تفكر في مساعدتها بل اخذت جوالها وصورت المقطع بدون رحمة لتسقط الخادمة من الدور السابع وتقع في مكان غير خطر ما ساعد في امتصاص صدمة السقوط ونجاتها باعجوبة.
الحرمه ماتقدر تنقذها ولو مسكتها او انكسر القزاز كان لحقتها وبعدين هي اللي بتنتحر محد اجبرها واخيراً صورتها علشان بكره ماتقول عمتي رمتني مع الشباك او اذا ماتت يبتليها الامن بالتحقيق
ولماذا جميعكم ينظر للكأس من الجانب الفارغ ⁉️ ليقوم بتدوين عبارات العطف والإنسانية ? خرجت المرأة فجئة على صراخ شغالتها الأثيوبية ،، ووجدتها ممسكة ( طرف الشباك بأطراف أصابعها ) ومن المستحيل لبعض الرجال ،، فكيف لإمرأة ضعيفة رفع على الأقل 60 كجم خطفاً من أول مرة ، بالاضافة أنها ستكون مرعوبة من مواجهة هذا الموقف ⁉️ولإثبات براءتها قامت بتصوير المشهد ليكون شاهد براءة ،، هذا أقل ماقد تفعله .. لعلكم استوعبتم ماحدث . ??
خرجت ع صراخ الخادمه ثم عادت لاخذالجوال. ومن المستحيل امساكها لكن من المعقول امساك هاتف واصور. بالاضافه انها مرعوبه من زود الرعبه تكلمت ببرود امبييييه. ولاثبات براتها صورتها حتى وصلت القاع. هاذا اقل ماقدتفعله لانه كان يفترض ان تنزل لها وتكفخها اوتقضي عليها جزاء فعلتها. نعم لقداستوعب سخافة تفكيرك
للاسف البعض يعلق ويجرم الحرمة , طيب انت وش تتوقع من حرمة تسوي لها ,
اولا / الخادمة وانا والله لست ضد شي اسمه اجنبي او غير , ولكن انسانة تبي تنتحر وتخالف شرع الله , تستاهل الحرق والموت والله بهذا الفعل
ثانيا / الحرمة مهما بلغت قوتها لن تستطيع فعل اي شي بل قد تستغل الخادمة هذا الفعل لا سمح الله وتسحب المراءة معاها , وانا هنا لا ادخل في علم الغيب ولكنه مجرد استنتاج ولكن كل شي جائز
ثالثا والاهم / دائما ما يوجد في كل قصة حلقة مفقودة ويعلم الله نحن نرى الظاهر منها ولا نعلم الغائب منها فلا نكيل لا احد ونجامل الاخر ,
دائما تذكر رحمة الله على العباد سوى كانت من الكفيلة او الخادمة , ولكن هنا الخادمة بيتت النية على الانتحار , واراد ربك ان يختبرها على فعلتها , وقضاء الله وقدره فوق كل شي , وهو من اراد لها العيش مرة اخرى ,
وبذلك خسرت عملها وخسرت دينها على فعلتها هذه , والان عندما ترجع لبلدها افريقيا ستعرف معنى قيمة العيشة التي كانت عليها ,
انا هنا لا اعيبها او اتشمت بها , ولكن والله ما فعلته اشر مما فعلته الكفيلة , فهذه اغضبت الرب قبل ان تغضبوا على كفيلتها , فقبل ان نحكم على الكفيلة سوى كانت خليجية او حتى عربية , هذه الخادمة الله يهديها ارادت مخالفة الشرع وقضاء الله , وهذا يعتبر تحدي لقدرته سبحانة وتعالى !!
رعاكم ربي
اخوكم الصغير
خالد الاحمدي
هي ما كانت تبي تنتحر تبي تنحاش لكن انصدمت انه ماشي مكان تحط ريلها فيه وعلقت
أتمنى وصلت المعلومه الانتحار شي والهروب شي ثاني
حلو الكلام وما راح اختلف معاك ,
بس بكذا انت زي يلي يقول جالس في مربع اربع حيطان ومافيه غير مخرجين ,
الاول يردك للمكان يلي انت فيه وتعيد تفكيرك صح ولا تيأس
والثاني مولع نار وعشان تتخطاه لازم تنتحر
وش تتوقع تراجع تفكيرك لعلى وعسى ربي يجعل لك مخرج اخر , والا تنتحر بحجة انك تعبت من هذه الحياة الصعبة
كل انسان فينا وربك راح يبتليه على عمل هو سواه في الماضي , لكن رحمة ربك واسعة , وما نقدر ندخل في نفوس البشر , لكن القران وضح لنا كل شي ,
يقول تعالى (وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيمًا وَمَن يَفْعَلْ ذَلِكَ عُدْوَانًا وَظُلْمًا فَسَوْفَ نُصْلِيهِ نَارًا وَكَانَ ذَلِكَ عَلَى اللّهِ يَسِيرًا )
وربي يرعاك لا تجادل في كلام الله
يعني الحين اللي يتحدي الله ع قولك نتركه ولا نمنعه وننصحه ونعيده للصواب.
رعاك ربي ما احد قلك لا تنصح , بالعكس اي شي تقدر عليه سويه , لكن تخش النار برجلك وتقول انقذوني , يرحم امك وابوك حل لي هذا اللغز ,
بالله تتكلم الحق خويك او صاحبك في منزل مشتعل بالنار ودخل بأرادته مجنون انا عشان انقضه وهو دخل برجله ,
كان العكس احاول اذا لا سمح الله طاح بالغلط لكن يدش برجله اسمحلي , والله ما فكرت مجرد التفكير فيه , اذا ما خاف من الله , وش اسوي معاه
واذا رجعت للمقطع حتشوف ان الخادمة هي من الاساس ما كانت مقصرة مع نفسها وما عاد باقي للمساعدة غير اطراف يديها ,
حتى ان الكفيلة ما قصرت وسوت يلي عليها ( يامخبولة وش تسوي ) وش تتوقع من حرمة تسحب حرمه باقي عليها اطراف اصابع , طيب يااخي انت وش دراك بتفكير الخادمة يمكن تسحب الحرمة معاها .
وش يعرفنا ان الخادمة مسلمة او مسيحية او حتى ملحدة , وان الكفيلة عارفها بتصرفاتها واذا تاملت المقطع شوي ,
راح تسمع ان الكفيلة يوم قالت يامخبولة قالتها بصوت خفيف وكأن الخادمة كررت فعلتها اكثر من مرة , بمعنى ان الكفيلة لم تتفاجاء من التصرف ( ولم يكن هناك اي صراخ او ردة فعل ) وكأن الخادمة سترجع كما فعلتها من قبل , ورغم كل هذا ربي حماه والله يعلم للمرة الكم , قد تكون الثانية او الرابعة , هم فقط من يعلمون ,
عشان كذا دائما ما تجد حلقة مفقودة في الموضوع و يعلمها الا اصحاب المشكلة ,
رعاك ربي للمرة الثانية
وسلامتك
سبحان الله. قلبها حجر. اليوم في عماره جنب بيتي بنت كانت تحاول تنتحر كل الرجال صرخوا وعمال البقاله وترجوها تتراجع وهم مايعرفوها. وهاذي ماتأثرت والشغاله عندها وقدامها
اذا كان في مجال تنقذي روح تنفذيها لكن وضع الشغاله صعب ماتدري ايش موقف الطرف الاخر الي هو الجانب المخفي في الفيديو محد يكره الأجر ولا يبي يضيعه لوجه لله
أموت وأعرف وش هو ذا الجانب المخفي إللي أزعجتينا فيه
أنا أستوعب أي نوع من التصوير إلا تصوير جريمة أو حادثة عجزت أستوعبها .. كيف الواحد له نفس يصور احد ينقتل ولا يصور احد يطلب النجدة ولا يصور فاحشة و….. غيره من الجرائم
وانتي لسى تبغين تعرفين وش موقف الحرمة ووش خلفية الانتحار
موقفها زي الصنم واقفة وتصور آدمية عرضت حياتها للموت ولا حرك فيها ساكن صورتها حتى الين خبطت أسفل العمارة
خلاص عرفتي يا محقق كونان الجانب المخفي
نفسي اعرف لوكان العكس هل كانوا اللي بيعلقوا كتبوا نفس الكلام وقالوا معاها حق الخادمه تصور لاثبات برائتها وتستاهل راعية البيت وفي جانب خفي. ولاكانوا قالوا شوفوا قمة الحقاره وانعدام الاخلاق. الحمدلله انه مازال عندنا رحمه ومشاعر حتى للمذنب لانه يعتبر انسان وله رب يحاسبه مش احنا نحكم عليه ونقول يستحق ماجاه لوكان في يدي انقذ روح بكل مااملك انقذها وع قولك حتى صرخه ماعبرت بها لمن طاحت الخادمه. ياشيخه والله لو عدوي طاح قدامي حتلاقيني اصرخ بدون شعور. الله يرحمنا برحمته
أستغفر الله العظيم
المباحث الجنائية تحيل كفيلة المنتحره الاثيوبية للنيابة بسبب تقاعسها في انقاذها
احسن خلي تصويرها وجوالها ينفعها عديمة الاحساس
في الأغلب ستخرج عن طريق حقنة فيتامين (واو).
ما عاد فيه احساس الضمير ميت
الله ينتقم منها
والله العظيم اللي تصور هذي قصة بروحها … بذمتكم يا جماعة الخير ما شفتوا كيف تصرفوا رجال الدفاع المدني تركوا الفتاة تتحرك وتمشي وهذا اكبر خطا قاموا بفعله اكبر من فعلت اللي تصور المفروض يشيلوها بنقالة وعن طريق الحبال يتم انزالها بالنقالة مهما تطلب الامر حتى لو كان احضار طائرة هيلوكبتر
انعدام الخبرة وسوء الادارة والتصرف في مثل هذه المواقف للاسف بسبب انعدام الرحمة لان المريض والشخص عند وقوع الحادث له تجده يمشي وهو لا يدري ان به نزيف داخلي او كسور بالعظم بسبب الدهشة والخوف
تعلموا يا عالم
طيب كيف تنقذها لو تبي تنقذها تخاف تطيح معاها هيا اختارت ..وخاصة انها مو طفله يعني ممكن ثقلها نفس ثقل ووزن إليّ أتصور المقطع او اكثر .. كيف تنقذها وممكن اطيح ورائها هيا اختارت تتحمل غلطها الي صورت ماقالتلها انتحري وإلا اقتلي نفسك وواضح بإرادتها الشغاله وزين صورت المقطع عشان لأتتهم بعدين انها طيحتها .. بعني استغرب من الي يقول مافي قلبها رحمه نفسها الشغاله لو تحب نفسها وتعرف انه الروح امانه وظلم الانتحار للنفس ماسوت كذا ..واكيد الي أتصور يمكن زوجه ،، ابنه ،، أم ورائها ناس يحبوها ويخافون عليها وقدرت قيمة نفسها ليه تعرض حياتها للخطر عشان وحده هيا اختارت تذبح نفسها … هدي وجهة نظري وبس
فعلا وهذا الكلام المنطقي .. صورتها عشان تتفي التهمه عنها مو كل مره الشغاله بالسعوديه تتهم كفيلها انه رماها من الشباك ؟؟
وايش يمنع الخدامه انها تتشبث بكفيلتها وتموتها معاها اذا هانت عليها نفسها بتهون عليها كفيلتها ..
اذا ع التهمه في رب كان حيعطيها ع نيتها. ايش من برود وقسوه وهياتصورها ماتأثرت ولاصرخت وخافت. خلاص اذاهي خايفه تنقذها عشان ماتطيح معاها ع الاقل تتفاعل معاها وتقلها تحاول تتمسك
صحيح كلامك وانا اشوف المقطع صرخت وطاح عني التلفون
هذي حتى وهي تشوفها تطيح ما كلفت على عمرها ترمي الجوال كملت تصوريها
حسبي الله ونعم الوكيل لما يكون الضمير ميت توقعي اي شي
حتى لوكانت حتنتحر قلبي مايطاوعني اصورها. انا اعمل بضميري واحاول بكل مااستطيع لانقاذها واكون سبب في منعها من الانتحار ونجاتها من العذاب. بعدين ماهوباين ع الحرمه اي مشاعرخوف من الحادثه اللي قدامها. يعني حتى لوبصورعشان اثبت بتلاقيني اصارخ واقلها تحاول تتمسك مش اتكلم ببرود وبكل قسوه وكان اللي قدامي فار موانسان
بس احنا شفنا بس جانب واحد ماشفنا الجانب الاخر ووضع المراهرممكن تسحبها معاها وبكدا راحو ٢ مش ١ انا اتفق معاكي بس مو في كل الأحوال نكون عاطفيين ممكن الحرمه ماتقدر تسحبها وممكن يكون عندها فوبيا ٧ ادوار ،، انا عني مستحيل اقدر راح تحسبني معاها انا ماعندي ألقوه إليّ اسحب كم كيلو … اللي ماتهون عليه نفسه مراح تهون نفسه وروحه على الناس واكيد الي صورة المقطع نفسها غاليه عشان كدا ماغامرت فيها .. ولاتحكمي نهائيا في حياتك كلها على شخص واحد لانه في المقطع في جانب ظاهر وفِي جانب مخفي في الفيديو ،،،
وبصراحة مآثر فيني لأني اكره الي يرخص نفسه ويظلمها وبالنسبه للطيحه زين رمت نفسها ماقتلت طفل بري ولا عجوز وناس مالهم ذنب ..
في النهايه الله لايحطك ولا يحطنا في مواقف نفس هذي
كلمتك ( ما أثر فيني ) كفيله نسحب على كلامك اللي اخذ من وقتنا في القراءة .
اكبر كمية تناقض في حياتي قريتها بتعليقك هذا .
انتهى تعليقي. ولك حرية التعبير
فيه كميرا في البنايات ما يحتاي هي توثق ابسط شي تقولها صبري بنادي احد يساعدج
انا وحده اخاف من الحيوانات لكن لو شفت طير مكسور جناحه بطلب من اخوي او اختي تعالجه ما بقعد أصوره وهو مجروح ويتعذب
هذا يسمونه رحمه
الله يرحمنا برحمته ويعفو عنا ويغفر لنا
اللهم آمين
انت تقول كلام عين العقل وقلت كل الي في خاطري
كن صديقي….
كن صديقي ، اصبح ?ك
تعليق غريب . كيف تقولين قدّرت قيمة نفسها وهي بكل برودة أعصاب تصور وحدة شارفت على الموت أبغى أصدق سالفة قدّرت نفسها . انا أرى أنها أهانت نفسها واحتقرتها . حتى أنها ما حاولت تمسك يدها أو تُبدي ردّة فعل .
يعني على فرض ماقادرة تساعدها. ايش هالنفسية والقلب اللي خلتها تجلس تصور
فعلا الفقر ما بيتعدى على أحد. الناس بيختبرها رب العالمين وبتجيبه لنفسها
بالعقل ماتقدر بتسحبها معها
صح ما تقدر بس تقدر بكل موتة قلب تمسك الجوال و تقولها مينونة تعالي وهذيك تطلبها تمسكها
ع الاقل كانت حاولت ورمت الجوال اللي في يديها
والله التصوير أعدمنا وصارت حياتنا بلا روح .. اعوذ بالله ???
تقول امسكيني ولا رحمتها ?????
اعوذ بالله من قسوة القلب !!!
استهتار بروح ادمي مقابل لحظة تصوير !!
يعني ما ادري ايش صار على عقول الاوادم .. صاروا يصورون كل شي بغض النظر عن اي اعتبارات اخرى .. و المصيبة هالنوع تلقى ما يتابعه الا اثنين و واحد منهم منحرج يسوي له انفولوا …
ليس إستهتارا بل إستحقارا…
انت جبتها??
ابيه مينونه تعالي،،،، يامال الجرذ الي يدخل مع مناخيرك ويطلع مع عيونك يامنزوعة الرحمه والمروه.
عندما تنتزع الرحمه من قلوب الناس
لا حول ولا قوة الا بالله