منذ 8 سنوات
نورهان صبرة
أنشأت فتاة سعودية حساب على موقع التواصل الإجتماعي تويتر تطالب فيه بحقها بعد تعرضها هي وصديقتها لمحاولة تحرش من قبل سائق بالرياض.
ونشرت الفتاة تغريدات حكت فيها عن الواقعة التي تعرضت لها هي و صديقتها قائلة: “حاول السائق التحرش بنا وحاولنا ننزل ونزلنا من السيارة أثناء سيرها فقام السائق المتحرش بزيادة السرعة فطحنا بنص الشارع وحاولنا ناخذ اغراضنا ولم نتمكن”.
وأضافت الفتاة: “حدثت الواقعة في الرياض التخصصي بعد ميراج”. ونشرت الفتاة صور الإصابات والجروح التي أصابتها على تويتر لتتفاعل معها الشركة وترد على تغريداتها قائلة: “الرجاء التواصل معنا عبر الخاص وتزويدنا بمعلومات المشوار”.
https://twitter.com/nocareem/status/846418651490254848
هذا السربوت وكل سربوت منعدم الرجوله ما يخاف الله بيلاقي إلي يسويه بأعراض المسلمين في عرضه طال الزمن
ولا قصر دين وبيسدده وبالنسبه للي يقول مافيه سواقة للحريم يحاول يستفزهن هذي مبزره وحماقه ولا هو شغلك
افرض تخلفك على اهلك وبالنسبه للي يقول بيزيد التحرش
او شي من هلقبيل ترى التحرش موجود ساقت ولا ما ساقت
حريم الناس وش عليكم منهم مشكله اذا كل واحد فينا نفسي نفسي و لانحس بمعاناة الغير قمة الأنانيه لا تسوق المرأه
عشان لا تفسد هل تعلمون الغيب منطق جاهل ومتخلف
الله ينور بصيرتكم و ظلام جهلكم .
المشكله هذي النوعيات الفاسده تخرب على الشباب الطموح ، والكثير من شباباً وبناتنا فيهم الخير الكثير وقد المسؤوليه بس الفئه القليله هذي هي الي دامره الدنيا.
لاشك كثير من الشباب والبنات فيهم الخير
والخير والشر موجود منذ أن خلقت البشريه
ومثل مافيه الصالح فيه الطالح والرزق من
الله لكن من وجهة نظري حكم ظالم اذا انا
بحكم على جميع من يعمل في شركه معينه
لأن البعض تصرف تصرفات غير مقبوله لازم
نحسن الظن ولا نضع احد تحت المجهر ننتظر
منه الزله الله يهدي شبابنا وبناتنا ويصلحه.
محاولات لاثارة الراي العام للسماح بقيادة الحريم للسيارات .
الله يستر على بناتنا
تكفى خلني اسوق تكفى??
طلبتك لاتردني ابي اسوق ???
انت حتى عروستك تختارها لك امك مالك شور حتى في شريكة حياتك. فبلاش تاخذ وضعية المهم ?
احنا مطالباتنا للحكومه مو لكم انتم ياذكور حتى الهندي افضل منكم عالاقل يختار عروسته بنفسه وله رأي ?
انتم اكثر ذكور بالعالم مهمشين سياسياً واجتماعياً وتطلعون حرتكم بالنسوان ☺️
انا مابغى انزل عقلي لمستواك ولو ارد عليك بأكسر مجاديفك .. واذا نطق السفيه فلا تجادله .
والله الي يبي يتحرش يبي يتحرش سواً فيه قياده لنساء أو مافيه ، اذا اشخص ماخاف من الله واستحى منه يعمل اي شي حتى الذي لم يخطر على البال ، الله يكفينا شر الدنيا ويستر على كل مسلمه عفيفه شريفه.
اللهم امين صح السانك
صح بدنك ?
كل مشكلة فردية تصير لاي بنت ينعقون اهل الفساد يطلبون بقيادة المراة طيب اعتبرو بدول اروبية وامريكا ودول عربية زي مصر وشوف نسبة التحرش بالبنات وكم نسبة الاطفال غير الشرعيين اولاد زنا ومع ذلك المراة تسوق ونسبة التحرش عاليه لم تقل بل اكثر منا بكثير ومرعبة
ليس قيادة المراة الحل بل الحل توجيه النساء بالباس المحتشم وان تقلل الخروج إلا للحاجه وان تقدم الدولة لها معونات تغنيها عن الخروج للعمل وتوجيه الشباب الى تقوى الله ونشر ثقافة الاحترام وان يكون هناك قانون صارم وسريع الاستجابة هذا هو الحل .
يا عزيزي قبل كل شيء أتحدى لو المرأة في بلدك ما تسوق سيارة ، هل يتم التحرش بكل النساء التي تقود السيارة في بلدك ؟!
يامن ينادي بقيادة المرأة للسيارة لانها تتعرض لتحرشات وغيرها،،،، يا عالم لايوجد ربط بين تلك الامور لانه لو كان صحيح لأنعدم او قل التحرش بالنساء والفتيات في بلاد تقود فيها النساء منذ بدء صناعة السيارات، قارة اميركا قارة اوروبا قارة اسيا،،،الخ، اعطوني دولة واحدة انعدم او قل فيها التحرش بالنساء اذا صارت المرأة تقود السيارة،، المسأله اخلاقية ووعي مجتمع وتطبيق عقوبة وليس له علاقة تماما تماما تماما تماما بقيادة المرأة.
اتمنى بعض الببغاوات الي يعلقون يفهمن هذا.
ليه تروح بعيد ! روح عيش بالامارات وقطر او باقي دول الخليج اسبوع وتعال اعطينا رأيك
نسائهم يسوقون وبعضهم منقبات ويسوقون سياراتهم ومعدلات التحرش عندهم اقل من عندنا ! تتوقع وش السبب ؟
بكل بساطه اعطو كل انسان فيهم حريته وسنو انظمه للتحرش.
لأنهم رجال ويعرفون يحمون عرضهم قول وفعل مو بس كلام وشعارات رنانه.
مادري كيف تتبجحون بأنكم اكثر شعب يخاف على نسوانه وانتم اكثر نسوانكم حادينهم عالهنود والتكاسي !!!! بجد عار حتى الكفار مستغربين كيف تخافون عليهم من التحرش وسامحين لهم بالخلوة مع الهندي !!!!
كلامك غير صحيح
لو المراة بامكانها تسوق كان توصل اولادها معاها .. الان للاسف التحرش ما يقتصر على النساء و كمان على الاطفال .. قاعدين نخاطر بتخريج جيل معتل نتيجة التحرشات عشان ما عندنا استعداد نغير من وضع ما انزل الله به من سلطان..
دائما الكلام عن القيادة محصور في زاوية وحدة (نحمي المراة من تحرش الرجال) للاسف لا حميناها .. و لا قضت حاجتها
البنات اتصرفوا صح
و الافضل انه اي وحدة تضطر تستخدم ليموزين انها تاخذ صورة لوحة السيارة قبل ما تركب و السواق يشوفها و هي تاخذ الصورة و لازم تترك خبر عند اي احد بوقت طلعتها و متى بترجع لحد ما ربنا يفرجها
لو كانت قيادة المرأة هي الحل لجميع المشاكل لماذا كان تطبيق أوبر و كريم و ليفت تطبيقات أجنبية من دول يسمح فيها لقيادة المرأة ؟
حسب منطقك , المرأة لديهم ما يحتاج تحط نفسها في موقف تكون فيه “ملكة” أو “درة مصونة” و تركب مع أوبر. و كذلك منطقك يقتضي أن حالات التحرش لديهم معدومة و لكن الواقع عكس ذلك.
خطا كلامك ..
اولا : امتلاك سيارة في الدول الاجنبية صعب من ناحية قيمة الضرائب العالية و التجديد الدوري للوحات يجبر الشخص على دفع دوري للضرائب ( اوبرا وينفري اهدت جمهورها سيارات و النتيجة ان الاغلبية باعوا السيارات لهذا السبب) فضلا عن توفر المواصلات العامة داخل المدن و القدرة على استخدام الدراجات تقلل من الحاجة لامتلاك سيارة .. ناهيك عن ايجار الموقف اذا جيت توقف سيارتك في اي مكان .. هذي كلها تخلي الناس تفضل اوبر و اليلو كار على امتلاك سيارة خاصة
ثانيا : اذا تقارن بين التحرش عندهم و التحرش فانت تسوي مقارنة ظالمة جدا .. في دولة المراة تكتفي بستر العورة المغلظة و الشراب و المخدرات تباع في الشوارع .. و العلاقات الجنسية مسموحة بين الجنسين .. طبيعي تزيد نسب الجريمة بصفة عامة مو بس جرائم التحرش .. و احنا الحرمة عندنا تطلع و هي اقل الايمان لابسة عباة و ما فيه ربع الاشياء المحفزة للجريمة و مع ذلك يتم التعرض لها و الاسواء انه نشوف الشيء هذا عادي و بالعكس نلوم المراة لو احد اتحرش فيها !!!!!!!!!!!!
ثم ان التحرش عندنا ما اتوقف على النساء .. وصل حتى للاطفال .. و الارقام التقريبية مفجعة .. و مو كل حالات التحرش يتم الابلاغ عنها .. و مع ذلك النسبة عالية !!
اللي بيناقش هالموضوع اساله ببساطة
هل القيادة حرام ؟! اذا نعم ايش دليلك و اذا لا ليش تعترض
هل القيادة امر معيب ؟! اذا نعم ليش انت تقود السيارة و اذا لا ليش تعترض
شبعنا من اللف و الدوران في هالموضوع
مرة زحمة .. ناسين انه الزحمة في مصر مئات اضعاف الزحمة عندنا و شوارعهم اسوا من شوارعنا و امورهم ماشية
مرة المجتمع .. و كثير من افراد المجتمع مؤيدين مثل ما كثير معارضين .. ف باي حق تصادر حرية المؤيد عشان المعارض
مرة حماية للمراة .. و الواقع يقول انه ما حمتها عدم السواقة لحد اليوم
أولا: معلوماتك بما يخص إمتلاك السيارة غير دقيقة. أنا عشت سبعة سنوات في أمريكا و سنة و نصف في فرنسا, الأنظمة ليست بالصعوبة و التعقيد اللي ذكرتيه ولا لما كانت أمريكا و أوروبا أكبر أسواق السيارات.
ثانيا: أنا لست مع أو ضد قيادة المرأة, نحن لدينا مشاكل جوهرية لابد النظر إليها و لكن أن يعلق المجمتع مشاكله كلها على قيادة المرأة فهذا يجعلني أنصدم من سطحية الفكر و سفاهة المطالب.
هل لو قادت المرأة ستنتهي مشاكلها ؟ هل ستنحل مشاكل المعنفات ؟ هل ستنحل قضايا العضل ؟ هل سينتهي التحرش ؟ هل سينتهي إضطهادها ؟
إذا كان الجواب نعم على جميع ما سبق, فأنا اول من يدعم قيادتها. و لكن الواقع عكس ذلك. و حين ترى أراء المجتمع تقاد و الإعلام يسلط الأضواء على قضية هامشية في حين تغفل قضايا أكبر و أخطر فهذا خير دليل على أن الهدف ليس مصلحة المرأة.
اولا : نعم الانظمة سهلة و لكن التكاليف مرتفعة (وهذا اللي اتكلم عنه) عدا قيمة السيارة و الضريبة .. رسوم تسجيلها و فحصها و تجديدها السنوي (مع حساب الضرائب) فضلا عن اسعار البنزين المرتفعة .. كونهم اكبر قوة شرائية ف لابد انك تحسب حساب العدد السكاني .. لما تتكلم عن دولة سكانها عشرات الملايين مو مثل لما تتكلم عن دولة سكانها عشرات الالاف !!!
ثانيا : خلينا نتكلم بمنطق .. وحدة معنفة او معضولة كيف تروح تشتكي ؟! حتى لو طلبت مساعدة الجيران عادة المراة تتعاطف مع المراة و مساعدتها لها اسهل في مجتمعنا بعكس لو بتطلع مع جارهم .. اللي اصلا طلعتها معاه ح تكون مشبوهة ..
و خليني اسلم لك انه القيادة ما ح تحل اي مشكلة .. ف انك تحل مشكلة تافهة افضل من انك ما تحل شيء على الاطلاق !!!
حرية التنقل حق مكفول للجميع لما تعيق المراة عن حق طبيعي كيف تبغاها تطالب باي شيء ثاني
الله يفك عوق السعوديات
بصراحه استغرب انهم شعب متدين ويفتون ان سواقة الحرمه حرام وركوبها مع السواق حلال
مادري ليه عاكسين الفتوى
شكرا
لسه الدنيا بخير
لوسمحت مصدر الفتوى بأن قيادة المرأة للسيارة حرام
ليست شعارات ولاكلام مصفصف
انا اصف حالي انا يومياً مع برنامج اوبر وكريم لما اطلع دوامي يومياً . اقسم بالله واجهت اشكال وركبت مع سواقين عمري ماتخيلت اني اقابلهم !!!
اللي سيارته كلها دخان واللي يقول مشوارك اليوم على حسابي واللي يسألني ليش زوجك مايوديك انتي وولدك لمدارسكم ؟؟؟!
انا متزوجه وام ومازلت بنظر الحكومه قاصر !
هل هذا يرضي ربنا ؟؟ اختلااااااااااط مع رجل غريب ونظرات في المرايا. وين غيرتكم على نسوان بلدكم. ترى ركوب المرأه لحالها بسيارتها استر لها. كيف تفهمون انتم ؟!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
كويس إذا بس نظرات بالمرايه
غير الحيل حقتهم ..والي يجي يكلم فالواتس
والي يتميلح
والي يقول أنا مظلل سيارتي عشان العائلة على باله يلمح
والي يجلس يقول ابغا اتزوج ولا احد قبل فيني لاني اشتغل بكريم واوبر
وصخين وعلى بالهم اي سعودية تطلع مع كريم انسانه منحله .. والبنات يخافون يبلغون لأنه يعرف بيتهم يصير ولا عملهم
لكن والله مو بس ابلغ عليهم الشركة
بدخل برنامج كلنا امن واوريهم
الله يعين
ياحبيبتي اركب معهم وسكيني معي وجاري الطلب ع صاعق كهرباء ورذاذ الفلفل
الله يحفظنا ويسترنا بستره
سكين وش الله حادك على كذا
مافيه سواقه لو تنطين وتوقعين
لاحول ولاقوة الابالله
عادي مافيها شي. انتي ملكه انتي دره مصونه
واذا تحرش فيك السواق ! واذا رميتي نفسك من السياره !
اهم شي ماتسوقين السياره بنفسك لأنك بتثيرين شهوة الذكور
وبالنسبه للي بيقولون اكيد كنتم كاشفين وجوهكم برد عليهم بشي واحد :
ليه ماتتحرشون في النساء العراه اذا سافرتو برا السعوديه !
تعرفون ليه ؟ لأن عندهم قانون يحمي نسائهم من اشباه الرجال.
وفي الاخير يقولون انتي ملكه. انتي دره مصونه !!
هذا الموقف ممكن يصير لأولاد صغار , هل الحل نعطيهم سيارات بعد ؟
هل تعرفين كم أعمار البنات اللي في القصة ؟ هل هم أصلا في عمر يستطيعون فيه القيادة لو كانوا في دول غير السعودية ؟
ولا السالفة بس ترديد شعارات و كلام مصفصف بدون أي استناد للحقائق ؟
كان الله في عونك وانا اخوك
من جد الوضع الوضع مزري
على الأقل ممكن سن اجراءات تحمي المرأة بدلاً من المنع بدون اتخاذ اي خطوة ايجابيه
مثلاً
قصر السماح للموظفات بالقيادة فقط ووضع الضوابط لذلك
وضع كاميرات مراقبة وأجهزة تعقب في سيارات الاجرة كما هو حاصل في الخارج،،،
شكراً لك اخوي. الحمدلله باقي بالدنيا خير طالما فيه رجال مثلك قول وفعل عالاقل شاركتنا بأحساسك بمعاناتنا. وهذا يدل على وعيك وثقافتك واحترامك لنفسك قبل الجميع ? شكراً لك
بالضبط كلامك صحيح. عالاقل يسوون لنا مواصلات عامة محطات باصات في كل الاحياء مثل باقي الدول. وقتها ماراح نطالب بالقياده لأن المواصلات متوفره ومايحتاج الوحده تتعب.
مغفل او غشيم، يعني امريكا وبريطانيا انعدم فيها التحرش لان النساء يقودون السياره؟؟؟؟ الربط بين الجريمه والقياده هذا امر غير قابل للقياس لانه من تفكير المغفلين والجهال.
فعلاً كلامك سليم وهذا الجانب الذي لا يريدون ذكره.