رفضت إحدى البائعات على رصيف سوق برزان في حائل أمس، الامتثال لأوامر أحد أعضاء هيئة الأمر بالمعروف والنهي عن المنكر الذي طالبها بتغطية عينيها وإضفاء نقابها، وبعد إلحاح عضو الهيئة وقعت مشادة كلامية بينهما، وتجمهر عدد من النساء حولها، مما دعا رجال الهيئة إلى الاستعانة بالدوريات الأمنية.
ووفقا لصحيفة مكة طالب أحد أعضاء الهيئة بالقبض على النساء اللاتي تجمهرن لتصوير الحدث، لكنه لم يجد تجاوبا من رجال الأمن، الذين أكدوا صعوبة الأمر مع تواجد كم كبير من النساء.
وفضل أعضاء الهيئة بعد الاتفاق مع رجال الأمن على تسجيل رقم لوحة السيارة التي كان يقودها حدث والتعميم عليها، لإحضار المرأة المعنية وفك التجمهر.
مزمز 2 
س : لو كان بيننا الرسول صلى الله عليه وسلم و مر بجانب المرأة هل كان سيفعل مافعله رجل الهيئه ؟
من الاجابه نعرف الحق لمن ! الا اذا كان الدافع هي العادات والتقاليد وليس الدين
في تصوري معظم المشاكل التي تحدث للهيئة مفتعله من النساء اولا لذلك الهيئة من الواجب عليها بهذه المرحلة توظيف نساء في شعيرة الأمر بالمعروف والنهي عن المنكر حتى لايكون احتكاك مباشر بين رجال الهيئة والنساء إلا في حدود ضيقة .
كان تقوم القيامه وتشوف مصارعه حره امامك اذا كانو
بيعاندون رجال هيئه فما بالك اذا صارو حريم ما يصلح،
الوضع هذا افضل واقل مشاكل، اما اذا صار حريم فلهيئه بتزيد المشاكل ولا تقدر تتنبأ بلي بيصير
الحمدلله والشكر ….. لاتعليق
أحســــــنتم يارجال الهيئة والدورية , التعميم على لوحة السيارة التي أقلّت المراءة ليتم القبض على المراءة بدون شوشره او تظاهرة تزعزع الامن .
شدعوى ترا عاد هذا مبالغ فيه مش لهدرجه والله لو انها
مسويه جريمه ياخي والله انتم ياحبكم للمبالغه
ذا يستهبل عاد عشان برقع يعمموا على سيارتها
ايش فيه نقابها؟!!!!! ايش الي خلا رجل الهيئه يقولها تتغطى
وتبعد نقابها الخبر ناقص ومش واضح!
فعلاً خبر ناقص
أتوقع يالمقصله .. إنها لابسه البرقع الي فتحات عيونه كبار عرفته
المشكله المعلقين هنا منضغطين من أيش مدري .. والله لو يشوفون هالبرقع كان سكتو.
انا موب منضغط لكن كنت مع الهيئة والحين اتوقع منهم اي خساسة مع الاسف
يعني أنت قد صار لك موقف معهم تعتبره خساسه وأن صار لك موقف هل صدر من عضو واحد والا كل أعضاء الهيئه.
ياحبيبي بالعقل الخساسه تحصلها في وزارة الداخليه الخارجيه الاستخبارات المباحث آلخ يعني مايصح التعميم
لو مركز الهيئة مقابل بيتك مثلي وتكلمهم وتترجاهم يشيلون كميراتهم وسياراتهم من قدام بيتك ، وتقنعهم انهم مجرد عزوبية داخلين طالعين وسط بيوت عوائل ، ثم يصرفونك وكأنك ورع يبي حلاو .. ذيك الساعة تعرف وش علمهم !! علمهم ردي ولا فيهم مرجلة .. ماخذين السلطة ظهرهم .
خلك واقعي وانا اخوك .. انا مانيب ضد الدين او ضد دائرة حكومية .. انا ضد مجموعة فاسدين يعملون لصالح نفسهم .. فهمت قصدي !
عموما .. الي على الحق فيهم الله يقوية بس لا يفرد عضلاته على خلق الله
ياحبيبي أنت الان تقول “أنا ضد مجموعه” هذا الكلام الي نبيه
أنت ما أستعملت الجمع, أنا معك فيه مجموعه والله ودك تدعسها ماهو تكلمها يكلمك بفوقيه هذا صحيح
لكن مجموعه كبيره منهم محترم ويجيك بالنصيحه فقط والعلوم الطيبه
ولهم فضل بعد الله في ستر عدد كبير من المجتمع وكل الصحف متروسه بهذي الأخبار
لكن البعض الي يستنقص بالهيئه من ملاحده وليبراليه أو يبغى يسئ لهم يجيك من باب الفرد ويعمم على الكل
ويعطي صوره لك ولي ولكل واحد بأن هي الجهه سيئه وغير عمليه ولا تجدي نفعاً وتعارض المجتمع
لالالا لا وانا اخوك الله يبعد العلمانيه والليبرالية عن علومنا ووسومنا .. مثل منت شايف نقاشي ما تعدى حدود الادب مع رجال الهيئة ومثل ما تفضلت انا اتكلم عن مجموعة
الخوف من المجموعات في كل قسم هيئة لان هالمجموعات او البعض صارو يتزايدون .. والسبب مجهول !!!
الصلاحيات اذا صارت بيد كل من هب ودب اكيد يبي يعثي في المسلمين ولكن ودك تكون الصلاحية لاعلى شهادة فيهم فقط وهو الي يامر وينهي .. يمكن نسلم ونعرف من المسؤل
أنا أتفق معك ياعزيز بكل حرف, وعارف أنك ماتقصد التعميم
لكن بعض الأحيان تجي تكتب تعليق يجيك واحد يعزز لك, لكن بشكل مايعجبك لأنه يفهمك غلط.
عشان كذا حبيت توضح أنك ماتعمم فقط, لأن زي ماتعرف يجيك واحد مطفي النور ويعمم وبعضهم يؤثر على أخرين.
وفي كل مكان تحصل الشاذ في كل مجموعه بفكره بطرحه بتعامله آلخ.
اخي الكريم اصابعك مهب سوى فيه بعضهم فيهم
الخير والله لولا الله ثم الهيئه كان الله يستر مالنا غناة
عنهم اتمنى تغير نظرتك : )
تحياتي
الظاهر انه فعلاً كان من النوع الي واسع ومطلع خدودها
او يمكن لونه فسفوري ههههههه احاول اتخيل شكل النقاب الي سبب كل هلمشكله وترى احتمال كبير ان نقابها عادي لكن عيونها جميله وتفتن …. ياخي
ينصحها ويقولها بينه وبينها سبب زحمه والحريم فزعولها
وشكلها مظلومه ما بيفزعون هلحريم الا يمكن الله يهديه
زودها بعد هي كان تغطت وتعوذت من الشيطان العناد
الله يكفينا شره
لو إنها لابسه فسفوري ماتوقع أنه أبليس بنظر لها ههههه
أتوقع أنه كلمها عن نقابها او حجابها أو مهما كان بشكل عادي ونصحها
لكن الحريم أشكلهن لا نصحتها تحس أنك تسبها وزي كذا لا وش شايفني ليش بس علي وأنا وش سويت :)
ياما وياما قابلت أفراد هيئه ماقد شفت منهم شيء مزعج ولا أحد عرفته بعد تضرر منهم بأي شكل
ثم يجونك ناس ويعممون على أمر ماصار لهم أساساً, زي يجيك واحد يقول شفت حقين الكـ وش سوو ووآلخ
تنشده تقول سوو لك شيء يقول لا شفته بالجريده بالأخبار بالمواقع آلخ
في كل المراكز الحكوميه تحصل أمور ماتسر لكن ماتعمم على الكل لكن بعض الناس يسوي من الحبه قبه.
فهذي انا اشهد بعض الحريم الوحده حاطه قوس
قزح بوجهها واظافر طول ابليس وشكلها ماهو لطلعة
سوق وشعرها من تحت الغطا وكاشفه او الغطوه مالها داعي وجوده وعدمه واحد تطيح ع كتفها وما تبي احد يكلمها والمشكله تتحدى رجل هيئه وهو مقصر صوته وهي تصارخ الحمدالله والشكر الله يستر ع بناتنا وبنات المسلمين والله الي ماشيه بأدبها
ومحتشمه محد يتعرضلها ولا يقدر يقولها شي
والهيئه اغلبهم فيهم الخير بس فيه منهم همج زي الي
دخل معهد البنات الخبل ودك الأشكال هذولا ينفصلون عشان ما يخربون سمعة الهيئه الله يحفظهم
المصيبه هم جابوها لنفسهم ذي السمعه عندنا غازلوا صديقتي وانا معاها
واخت صديقتي الثانيه حرمه كبيره ولد جيرانها صغير عمره يمكن ١٨ سنه التموا عليها هي وياه وهو وصلها للمستشفى تراجع وودها ع المركز حق الهيئه لما عرفوا انه مو سعودي قالوا لها توقع على اوراق مارضت توقع لين تقرا لما قرتها لقيتهم كاتبين ان الولد خاطفها ويبغى يغتصبها وهي استنجدت بالهيئه. حلفت يمين ماتوقع وقالت ماضيع مستقبل الولد وهو ساعدني اروح المستشفى وانا مالي احد
عيوني مغمراتهم كثيره في كل مكان في الاسواق يغازلوا وقدام مدارس البنات ودايم اشياء شفتها بعيني ما احد يحكيها لي وقصص تحصل مع ناس ثقه واعرفهم شخصيا يعني ماشاء الله عليهم مافي مجال تدافع عنهم الا من رحم ربي
اختي انتي قلتيها الا من رحم ربي وهذا يدل انك
انسانه فيك خير وعندك وعي والتعميم ظلم القصه
الي قلتيها غريبه جداً لكن ممكن تحدث انا ما اكذبك
حسبي الله ع كل ظالم بس الخير والشر بكل مكان
بارك الله فيك
يعني حتى غطوتها تتدخل فيها الهيئة مو شرط انها تغطي عيونها وﻻ تفرضوا عليها دامها مغطية وجهها. اشوف انه تخلف وبعدين ايش خﻻه هو يشوف فعيونها
اتوقع هذا جديد والا وش دخلك بنقابها ياحبكم للتجمهر يا الهيئه يموتون لو ماجمعوا العالم ع احد يموتون بالفضايح … الله يسترنا بس ولا يفضح لنا ستر
الحمد لله وضع الهيئة تحسن عن اول !
مشادة كلامية ومع امرأة !!
أين الدين .. وأين شهامة الرجال ..
والله ما خرب صورة الهيئة الا أشخاص غير متعلمين تم توظيفهم بالخطأ
صح عليك خمس *****