وقع حادث إصطدام بعمود إنارة اودى بحياة احد الركاب بالسياره من طراز كامري والتي يقودها المفحط كنق النظيم.
قائد السيارة الكامري أصيب إصابة طفيفة في حادث أمس، وتم إسعافه وعلاجه، ومن ثم نُقل للتوقيف في قسم مرور الناصرية لاستكمال الإجراءات اللازمة.
وتشير مصادر “سبق” إلى أن الجهات المرورية، ستحيل القضية إلى هيئة التحقيق والادعاء العام، ومنها للمحكمة، كون الحادث نتج عنه حالة وفاة، وذلك بخلاف العقوبات المرورية التي ستصدر تجاه قائد السيارة.
مازن الغامدي 
هالعنزي كنج النظيم وين امه؟؟؟ قبل ما اقول وين ابوه
مايسمعون بفعايله ما يحاولون يحتوونه ما يحاولون يعرفون علته للاسف الام والاب غافلين لاهين عن عيالهم بسبب الجهلللللللللللل الام عموما وليس ام المفحط فقط تلقاها في الزواجات الين اخر الليل او في العزايم والخدم يربون وبئس التربية والله تلقاه عاش طفولة قاسية بالشوارع وعاد النظيم وش ترجي منها بالله الا القسوة والجهل والفقر والغبينة واللواط الله لا يبلانا انا بدوية وقريبة من البدو واشوف حياتهم للاسف تخلف وجهل واهم شي كلام الناس عنا عادي بنتي اخوها يغتصبها ونسكت بس لاحد يدري عنا من الناس يضحكون علينا قمة التخلف وين عمدة الحي وين المرشحين حقين البلديات مو كل شي على الحكومة مفروض يبنون لهم ملاعب ونوادي وحدايق ويفرغون الشباب طاقاتهم قسم بالله شي يقهر ويعور القلب الله يهدي كل مفحط وزاني وعاصي الله يهدي كل ام لاهيه واب قاسي والله يسخر لنا الحاكم العادل اللي يغير احوالنا للافضل
الله يرحمه ويغفر له وان شاء الله يتعض الكنق ويتوب بعد خروجه من السجن
سمعت انهم حكموا عليه 10 سنوات
لاحول ولاقوة الا بالله العلي العظيم ضيع شباب ومستقبله في خرابيط
الله يرحم الميت ويهدي كل مفحط
الله يرحمه الميت ويهدي كل مفحط
تكفوون ياااجمااعه قولو لي الطااره وش صار فييه اناا سمعت انه ماات ولاوش صاار والله يرحم نايف ويرحم اموات المسلميين ..
بسس ضررووري تقولون لي وش صار في الطااره الي عنده خببر اكييد يقول لي وش صاارفيه ..
الله يرحمه بس وش صار في الطاره تااب ولالا ..^^
الله يصبر اهله ويثبته عند السؤال
ويهدي ويعين الكنق على تأنيب الضمير
ومثل نهاية كل مفحط تائب
يموت خوية معة بعدين يتوب استغفر الله العظيم رب العرش الكريم
الله يرحم الي مات ويهدي الحي
الله يهدي كل مفحط
المفرووض يجيه ماجاء الي يسمونه المفحط ابو كاب الي ماتو معه اثنين اخواان
والله العظيم إني أتألم مليون مره يوم أشوف حال شبابنا وصل لهالدرجه من الخمول العقلي والجنون .. إلى متى فعلاً هالأشياء تحصل .. إلى متى هالإستهتار يصير .. والمشكله تبي تموت تنتحر تروح في داهيه عادي جداً هذا شي بينك وبين ربك وربك يبي يحاسبك عليه .. لكن مافكرت إن وراك أم يوم تغيب عنها يوم تقلق عليك .. مافكرت إن وراك أب يبيك تصير سند له بعد عمر طويل وتحافظ على عياله من بعده .. مافكرت في ربك يوم نهانا بقوله تعالى (( ولاتلقوا بأيديكم إلى التهلكه )) مافكرت بأرواح المسلمين اللي بالشارع .. والله مانتكلم إلا مع حجر لاتسمع ولاترى ومجرده من الإحساس والمسؤليه .. كلامي هذا يا أخوان ما أقوله عشان هالمقطع بس .. والله أقوله من مناظر كثير نصير بشبابنا وهو بعمر الزهور ويقدر يقضي وقته بأشياء تسليه أكثر من هالإنتحار إللي آخره عذاب ونار جهنم والعياذ بالله .. والبلا كله باللي يقولون العطاله وما أدراك ما العطاله .. لا والله العطاله ماتسوي كذا .. بالعكس العطاله تصنع رجال يقدر يفكر شلون يعيش نفسه .. لاحول ولا قوة إلا بالله العلي العظيم .. والله يهدي شباب المسلمين كلهم لما فيه صلاح الأمه وأنفسهم ..
الظاهر لي أنه حادث مروري
الله يرحم من مات ويهدي كنق النظيم وكل المفحطين
المتوفى افاض الى ما قدم وقد اقبل على امر عظيم قال الله (يوما يجعل الولدان شيباء )قال الله ( اقترب للناس حسابهم وهم في غفلتن معرضون) جميعنا قرانا الخبر لكن هل سنبقا على حالنا تقصير في الصلوات سماع الاغاني ارتكاب للمعاصي والمحرمات جميعنا سيموت فقد مات رسول الله فاوصي نفس واخواني واخواتي اقول مقصرين في حق الله نصيحة محب تدارك نفسك امامنا يوم عظيم طلب بسيط تكفون افتحو المصحف واقراء سورة النازعات بتدبر بشرط تقراها بتدبر الله يغفر لنا جميعا وان يحسن خاتمتنا وان يجعلنا نمسي ونصبح برضوان من الله
يا اخوان كنق النظيم صدم بحادث مروري ماهوب هجولة خافو الله فى انفسكم لاتظلمون الرجال
قدر الله وماشاء فعل لحد يقول تفحيط انا حاضر الحادث الحادث مروري كان مسرع
ودخل علية باص مدرسة وفقد السيطرةة وضرب الماصورة
يا اخوان دعواتكم لميت ودعواتكم ان ربي يهدية كنق النظيم
ولاحد يتفسلف ويقول حادث هجولة افهمو يابشر حادث مروري
لاحول ولاقوة الا بالله انتم متى تفهمون ؟
من كثر ماا دعوا عليه يوم نزلت الموضوع الاول يا مزمز
ايش تتوقعون نهايته فحط وفحط واغتر بنفسه لدرجه سمى نفسه ملك لكن للاسف هاذا المصير اللي ينتظره واكيد حاله الان نادم حين لاينفع الندم
لاحول ولاقوة إلا بالله
الله يرحم الميت ويغفر له
ويهدي المفحط ويرده لجادة الصواب
خلاص ما دام طاح بيد الحكومة والله لايورنك اللي ماتتوقعه
اخوي فحط عندنا عند المدرسة والله توقيف 5 ايام وحجز السيارة 15 يوم
وغرامة 1000 ريال هذا واخوي ما عنده سالفه مايعرف يفحط تليقه عشق الاول
وعطاها قحصه واهانوه اجل ذا وش بيسون به
انا ما اقول الا الله يرحم الاثنين مو اللي مات بس لان الثاني بيتمنى انه
مات معه
الله يرحم اموات المسلمين
الله يغفر ويرحم متى المسلمين إن لله وإن اليه راجعون
ماهو الشي الذي يثبت إن الحادث هذا حادث تفحيط او حادث طبيعي
لاحول ولاقوة الا بالله .. كالعادة لاجديد
الله يغفرله ويرحمه ويسكنه فسيح جناتك هو وكل من يقرى هذا التعليق يارب
اللهم لك الشكر والحمد حتى ترضى
اللوم كله يقع على اصحاب رؤس الاموال في بلدنا مثل بن لادن وبقشان وبن محفوظ وابار وزيني والبنوك مثل سامبا والبنك البريطاني والهولندي والفرنسي ينسفون المليارات ومالهم دور في بناء المجتمع عايشين لانفسهم فقط وتاركين حمل هم الشباب على الدوله ليه ما يعملون مدينةترفيهية كامله للشباب فيها جميع الملاعب وفيها جميع الالعاب الالكترونية واسواق ومطاعم…..الخ والله لو دفعو فقط نصف زكاتهم لكان عملت ليس مدينة انما مدن ترفيهيه ووقف للارامل والايتام……لكن اين المحاسب والمحاسب يغفل في الدنيا ويحاسب في الآخرة
الله يرحمك يا نايف العنزي وهذا اخرت التفحيط مدري وش استفاد كنق النظيم يوم مات خويه؟؟؟ والله من ضيقة الصدر والحزين ومايدري هو مسؤل عن موت وش راح يقول يوم يواجه ربه ؟ وخوية ينظر له,والله ياكنق النظيم واقولة لك والله هذه ماهي حياة!!!؟ وماقول الا الله يهديك ويتوب عليك ويفرج همك ,حسبي الله ونعم الوكيل ولاحول ولاقوة الابالله .
الله يرحمه ويغفرله ويحسن خواتيمنا
سبحان الله ذا مش أول ولا آخر شخص يروح ضحية التفحيط والتهور الغير السئوول وفي رأيي المتواضع أن هذا الأمر له ثالوث لايخرج عن الآتي
أولاً/الوالدين والتربية الحسنة وربما يكون الوالدين مظلومين ولكن غرس المباديء وتحصين الأبناء من الصغر والذهاب بهم للمساجد وسؤالهم الدائم عن الصلاة ومتابعة أصدقائهم وقبل كل ذلك توفير الحب والحنان وعدم حرمانهم من الحديث وتعويدهم على الجلوس مع الوالدين بدلاً من شتمهم وتعنيفهم على كل شيء بحجة تربيتهم وبعض الآباء يفرط في دلال ولده ويعطيه أفخم وأسرع سيارة عشان يكون أفضل الشباب ولايسأل عن ولده أبد لاصلاة ولاذاكر ولا حتى يعرف هو بأي صف بس يسأله أكلت شربت نمت معك دراهم ياولدي ويترك كل شي للولد المراهق وهو مايقصر لأنه مايفه كيف ذي الدنيا ماشية.
ثانياً/أين دور التوعية في المدارس وتنبيه الأبناء بخطورة هذا الأمر فبعض المدارس قد يمر على إدارتها العام الدراسي بالكامل ولم يستضيفوا شيخاً أو مسئوول في المرور أوحتى عامل نظافة للحديث عن رمي النفايات فما باللك بالتوعية عن خطورة مثل هذا الأمر وبعدين وين المرور وهو عارف عن بعض الأماكن المعروفة بذا الشي وين الدوريات السريعة وين الكاميرات والا بس الشراكة مع نظام ساهر عشان الدراهم وبس ليش المرور مايقيم محاضرات وندوات ومحاورات مع الشباب لتنبيههم من خطورة ذا الشي وفتح قنوات الحوار لتقريب مفهوم القيادة وأهميتها لحياة الإنسان مش لخسارة روح الإنسان.
ثالثاً/أصحاب السوء نعوذ بالله منهم ومن شرورهم فوالله بعض الشباب هداهم الله مايرتاح له بال لين يوقع غيره في سوء أعماله وشرها وسبحان الله يجري المفحط ويتجمل في الكلام ويتأدب الين يوقع ولد ضعيف حيلة والديه من أجل إن هذا الولد المسكين جميل جداً ويبغاه يكون خوي له وتبدأ المعاناة ورحلة العذاب والحب الوهمي حتى يوقع المسكين في الدخان وبعدها الحشيش واللواط وطبعاً لازم يصور المسكين عشان يفتخر قدام أخوياه إن ذا حقه وبيسوي فيه اللي يعجبه والنهاية مثل الشباب الأخوين آل خثيلة اللي توفوا قبل 4 سنوات مع مفحط المساكين عليهم رحمة الله وذا العنزي وشاب كنت اعرفه من شباب حينا كلهم راحوا ضحية مفحط@
انالله وانا اليه لاراجعون الله يرحمه ويغفرله ويرحم جميع موتى المسلمين انا من وجهة نظري الشخصيه اشوف ان المشكله مو في الشباب المراهقين اللي يفحطون لأنه هذي مرحله تمر في حياتهم والكثير منهم يتوب بعد ماتعدي هذي المرحله الخطيره المشكله في حكومتنا الرشيده وبالأخص المرور لأنه عندهم إحصاءات هائله بحوادث التفحيط وللأسف الى الآن مالقوا حل لهذي المشكله الخطيره كأنهم ينتظرون عالم من علماء الذره يجي يخترع لهم اختراع مناسب .
للأسف لاتربية صحيحة ولا قوانين تحمي حقوق المواطنين
الدعوة فوضى وكلن يسوي إلى في راسة وكلن يجهل النظام
الله يرحمه ويرحم إموآت المسلمين ..: موب اول مره يموت وإحد من التفحيط ..
المشكله مافيه ناس تعتبر بـ/ الللي ماتو قبلهم ببسسب التفحيط.. ماقول الا الله يهدي شبابنـآ :(
< مفحط تـآب ههههههههههه إتسسذب
وش استفاذ السائق من التفحيط لما اللحين فقد زميله وحرم والده من ابنها الله يهدي ويهدي شباب المسلمين عن هاذا التفحيط والله يرحم المتوفي برحمته الواسعه
الله يرحمه …بس متى تنتهي حركة التفحيط
ناس تموت عشان الحرية و المستقبل و عندنا يموتون عشان الاستعراض
يارب رحمتك
الله يرحمه ويرحمنا مادري وش اقول لاكن احس انه فيه واحد في المرور يبي يقظي ع الشعب والشعب يوافقونه بكل شدة زي البزران اخ بس ولا نظام ساهر يقولون حطو لنا لوحة توضح وين الكمرات ولا والمسؤلين من جحاشتهم باقي يتداولون في الموضوع ولا احد يطري تدبيل المخالفة انا ترا ضده مرووووووور فااااشل عندنا حتا الحمار اعتقد كان سوى نظام احسن من كذا وبعدين ذا لاتخافون اذا معه واو كلها 2 سنة صديق ويطلع وعادت حليمة ويستمر المسلسل
يؤسفنا ان نرى شخص يموت بسبب لحظه طيش تفحيط واستهتار باروح الناس وشهره الله يثبته واتمنى ان عقابه يكون رادع لكي يكون عظه وعبره لغيره من البزران الذينا امنتهنو التفحيط تحت ما يسمى موهبه يا اخ ياسر كلامك غير صحيح بل تفحيط وعلى اثره وقع الحادث على لسان الشخص المسمى بكنج النظيم
الله يرحم الميت ويصبر اهله على ماصابهم ونسال الله الهدايه للجميع ..
وقتها ما كان جالس يفحط بس مسرع و بطبعه هو متهور ..
والدليل شوفوا لو حات السيارة مركبه .
إن لا أبرر فعلت قائد المركبة كنق النظيم أتمنى ولله يحكم عليه بـ أشد العقوبات نظير أستهتارة بـ أرواح المسلمين
( لا يجوز يا أخوان للميت الا الدعاء له برحمة )
الله يرحم ميتهم ويتغمده برحمته الواسعة ..
وأقول للأخ الرائع إلي يقول ألى جهنم وبأس المصير
حسبانا لله عليك
حلال فيه هذا المستهتر بارواح الناس
استغفر الله العضيم الرجال متوفي وانت تقول الى جهنم
اصلن انت اللحين تعديت على حق من حقوق الله الا وهو علم الغيب
الله اللي يقرر يقول الى جهنم او الى الجنه
ما اقول الا حسبي الله ونعم الوكيل .
هاذي دعوات المسلمين والعجز اذو المسلمين لاحول ولاقوة الابالله وهم الي جابوه لنفوسهم وهاذي اخرته هج وخلى خويه ميت الله يمحى كل موذي والي يشجعونهم سرابيت خملق مثلهم اعيال شوارع
انا كنت موجوود وقت الحاادث وماهوو تقحيط حاادث مرووري طبيعي …………….
للأسف تصرفاتهم الطايشه تخلي ناس كثير تدعي عليهم بدل ماتدعي لهم
وكم من ناس هم صدموهم وتسببوا في فقدان ابرياء ساذجين من المتفرجين
لاحول ولاقوه الأ بالله العظيم
واتمنى الواحد يتعظ ويخلي الهياط والفلسفه والسذاجه ومسوين انها موهبه
الى جهنم و بئس المصير
الله يهديك بس
(( والكاظمين الغيظ والعافين عن الناس ))
أرجو تتراجع عن دعائك وتبدلة بالذي هو خير
فيه ملك لمن تدعي على احد بخير او شر يقول (ولك بمثل) الله يهديك بس يارائع
ياشيخ حرام عليك قول انشاالله كلنا في الجنة ونتمنى انه الله يشفعله ويغفرله ترى حنا ماندري ويش عذاب القبر وعذاب نار جهنم ……..
قال تعالى: إيطمع كل امريء منهم أن يدخل جنة نعيم 38 كلا إنا خلقناهم مما يعلمون. المعارج
لا حول ولا قوة الا بالله ،، يعني المفحط لازم يصير له حادث وينصاب هو واخوياه عشان يندم ويتوب ؟؟!!