شبه موتى .. تحت زخات المطر ( حصرياً بجامعة الاميره نوره بنت عبدالرحمن )

السلام على كل من رأى الموت بعينيه ..!

..

بما ان عقدتي المقدمه راح ادخل بالموضوع على طول

كنت نازله من القاعه من مبنى 2

فجأه ..

غبار … مطر ..

برق .. ورعد ..

” مطررنا بفضل الله ورحمته ..! “

—–

يزيد صوت المطر ..

ويزيد ..

ويزيد .. !

زااد ويجي مععععععه بررررد ..!

تشك ان الدنيا صارت تمطر حصىآ ..!!

ينقلب الجو ظلااام .. !!

حسيت الوضع يخوووف .. والصوت صار يزيد .. والسقف احسه بيطيح من قووووة الصوووت ..

جو الامن صارو يوجهونا ..

على اساس نروح للمبنى 4 القريب من البوابه ..

جت وحده من الامن ترررررررركض فيه التماااااس بين مبنى 5 و 4

فجأه

طفى الكهرب ..!!

الوضع بدا يتوتر زياده ..

جت وحده من الامن حقات الجامعه بتسوي اخلاء للمبنى اللي حنا فيه .. فتحت الباب ..
جااا فيضااااااان بشكل موب طبيعي من المويه وبدا يمشششششششي بين جوا المبنى صكرت
الباب بعد مابدت كل الكراسي تتحرك من المويه ..

البنات بدو يخافوون ..

كااااان الجووووووو مكتووووووووم بشكل فضييييع وتحس المكان كل شوي ينضغط من كثرة
الانفاس

الاصوات بها اللحظه

ماتسمع الا .. صياااااااح ..

صراااااااااخ ..

اكثر من 5 طالبات يدوخون بوقت واحد..

جوالات تدق وناس ترتجف ..

تسمع بنات يدقدون على الاسعاف ويلعنون ومايعرفون يتصرفون بالبنات اللي طاحو عليهم
..

..

حسو البنات ان الامن ماعندهم سالفه وموب عارفين وشلون يتصرفون ..

بدو يطلعون وهم يركضون رررررررررركض ..

كااااااان الهوااا يدفك دددددددف والمطر يضررررررب تحسه مثل قرصات النحل على وجهك
لان معه برد ..

طبعا نركض على اساس نبي نطلع بااقرب بوابه قالو لنا ان البوابه تقفلت روحو للبوابه
اللي بااخر الجامعه

السور اللي برا على الشارع بدا يميل .. لحد ماطاح

بدا كل شي يطير ..

حسيت ان الهوا يبي يشيلن

اضطرينا اننا نمشي بشويش لان البلاط اللي تحت صار يطيح وحده ورا الثانيه ..

تحس وان تمشي ان البلاطه ترقل .. كانه مثبته بس بالترويبه

هدا الهوا شوي ووقف البرد

جو اخيرا الدفاع المدني وليتهم ماجو .. والله ياوجودهم مثل قلتهم ..!

كل اللي اتذكره كانو يقولون لنا اسرعو اسرعو

حسيت اني يالله اركض ملابسي كللله مويه ويالله اشيييييييييييل رررررررروحي ..

فجأه جا غباااار مع المطر وهواااااااا قووووووووي ..

صرت مااشوف اللي قبالي

اتذكر كنت مع مجموعه من البنات واختفو ..

صرت اسمع الامن يقولون ابعدو عن المبنى السقف بدا يطيح ..

والدفاع المدني يقولون ابعدو عن السور ..

البنات انجنو مايدرون وين يروحون

صرت اركض على اساس بروح لاخر بوابه لان كان فيه غرفه ..

كان زي الممر طوويل بمشي فيه ..

وانا امشي شفت وحده داخت على صديقته .. صديقته صاااااااااااااارت تصااااارخ وجلست
بالموووووووووووووويه وتصييييييييح

بهالوقت ودي اساعدهم بس انا هلكه ماااااااابي حييييل

كنتتتتت ميييييييييته من البرررررد والخووووف واركض وهوا يدفني ورجفه قسم بالله تبي
تهلكن

سعمت وانا امشي صوووت قوووووي

واصوات كثيره تصارخ ..

الا اشوف مظله كبيره كامله تطيح والمواصير تتطاير ..

حسسسسسسسسيت انه شششششششيب راسي .. وجتني رووووووووعه .. صرت ياللللللله ياللله
امشي ورجليني مااحس به من كثر ماهي تنتفض ….

ماصدقت على الله بدخل هالغرفه الا وحده تتشنج وعيووونه ترتفع على فوق .. طاحت من
عند كتفي .. يوم مسكته دزتني .. وترفع راسه للسماء والمطر يجي على وجهه .. انا
انهبلت شفت منظر بحياتي ماشفته .. مشت خطوتين البنت وطاحت .. انا صررررررت اصارخ بس
احس صوتي موب مسموع .. ابساعد عجزت اصلا يديني ماركدت من الرجفه وكنت خايفه تموت ..
حسيت ودي اسوي اي شي بس عجزت صرت اصوت زي المجنونه.. دخلت الغرفه واسحب البنات واشر
على البنت واصارخ.. شافته بنت من بعيد قااااالت بخاااااااخ بخااااااخ عطو البنت
بخاخ تحركو …. هذا اخر شي سمعته ….!!

دخلت الغرفه ابي الملم نفسي واهديها عجزت وانفجرت صياح من الرجفه والروعه اللي داخل
ضلوعي واحساس اللي ودك تساعد الناس ومنتب قادر لا حيلك وطاقتك كللله رااااحت .. !

موقف لا يمكن انساه .. ويوم حسيت روحي تبي تطلع معه

طبعا بعد ساعه ونص من هالاحداث صار يهداء المطر شوي ..

حسيت اني انغثيت ومتتتتتتت من المغثه على مبنى الجامعه وجمعت كل حيلي وقمت اصور

هذي صورة للشراع اللي على المظله ..
ولو تلاحظون السور اللي ورا مرره متكسر

هنا الممر اللي بين 1 و 4

وهنا السور يوم بدا يميل لحد
ماانكسر

هنا كنا نمشي ونحس البلاط بدا يتفكك
.. صرنا نمشي على اعصابنا

….

الاشياء اللي غثتني ..

اول ماجاء الدفاع المدني .. كان يقول للبنات استتروا استتروا .. خييييييييير ان
شاءالله ..! العالم بتمووت والخلق كانهم مجانين وهذا بعالم ثاني ..!

الشي الثاني العيال اللي كانو صافين ينتظرون خواتهم او مادري وش قصتهم وكانهم
ماصدقو على الله يطيح سور حتى يصورون واي بنت تطلع فاتشه ياشر عليها ويضحك..
يناااااس خير ان شاءالله .. متى بنرتقي حنا

والشي الثالث .. هه ! للاسف ان جامعتنا تعتبر من ” المباني الجديده ” وصار فيها كل
هذا

اخيرا بختم كلامي .. بكلام المهوس اللي برد قلبي والله واثلجه ….!!

((” لا صحة لخبر وفااايات او مفقودات في جامعة الاميره نوره بنت عبدالرحمن كل مافي
الامر فتاة اصيبت بالربو وتم استدعا الاسعاف ونقلها كما ان لاصحت لخبر سقوط الاسقف
وغرق المباني في تلك الجامعه فهي “جامعه حديثة المبنى ومرفقه بالتصريف الجيد
الممتاز” كل مايقال مجرد اشاعات .. “))

هه !

ماراح اقول شي غير عساك تذوق اللي ذقناه واكثر .. !

,,

انتهى ..

وعذرا على الاطاله …!

شاهد أيضاً :
صور للامطار التي هطلت على المملكة الأربعاء 30 نوفمبر

صور: امطار وسيول سلطنة عمان

صور وفيديو:كارثة امطار وسيول جدة وغرقها وانقاذ المحتجزين 1432

32 تعليقات
  1. عبوووودي يقول

    فيه جامعات في السعوديه نفس اللي بالصور بدون ماينزل المطر ؟!!
    اجل لو ينزل المطر وش راح يصير ؟!
    المهم من هيك مواضيع نستفيد ان الناس تحب التكبير وهذي مصيبه بحد ذاتها ..

    1. غريب الدار يقول

      اشكرك اختي ع الموضوع…
      كالعاده المشاكل واضحه والحلول موجوده..لكن للاسف الفساد شق له طريق فيمشاريعنا.

  2. abdullah يقول

    بصراااااااااااااااحة الموضوووووووووع شدني وأحزني كثير ..

  3. Alooosh يقول

    الله يلوووم اللي يلوووومك وبصراحه معاناه والحمد لله على سلامتكم جميعا
    الله يحفظ السعوديه واهلها
    شكرا جزيلا على تحمسك لمساعدة صحباتك
    ومشكوووره على النقل
    موضوع جدا هادف للعبره

  4. tooomy 15 يقول

    احمدو ربكم انكم بالمباني
    فلبين بالباصات يدرسون

    1. البطلة يقول

      الفلبين ما تملك نسبة الدخل السنوي اللي تملكه السعودية
      و لا تصرف على الجامعات هناك المبالغ نفسها اللي تصرف هنا !!

  5. يارب استرنا يقول

    يللي كاتبه الموضوع اول شي الحمدلله على السلامه
    ثانيا اقول لك لماذا تستغربين كلام الدفاع المدني حينما قالوا استتروا الا تريدين الستر لك ولغير ام اعجبك الشباب الذين قاموا بالتصوير مع اني استحقر هؤلاء الشباب وهذ دين عليهم ولكن الستر مطلوب في كل الاوقات وكل الضروف . كانت الصحبيات تحرص على الستر حتى وهي محموله الى المقبره رضي الله عنهن واسأل الله ان يجعلهن لكن قدوه حسنه
    وشكرا

    1. سبحان الله يقول

      كلام 100%

      والرياح و الامطار جند من جنود الله
      الحمد الله الي فية ناس تامر بالستر مثل الدفاع و على الاقل اذا ماعندكم مشكلة بالستر رجال الدفاع يبون يحمون ابصارهم بالستر

      والله لا يوريكي مكروة والحمد الله على سلامتك 0

      1. محمد يقول

        أقسم بالله ان ردك ورد اللي فوقك بطل

    2. تغريد يقول

      :(

      تقولك البنت المبنى يتهدم والبلاط ينزل على تحت ..الخ :(

      وش يتسترون فيه ..يفصخون بلايزهم ويحطونها ع وجههم مثلاً؟
      :(

      يعني لو يحترق بيتكم “لا سمح الله” بتقعدين تدورين عبايتك؟
      و وش دخل المثال الي عطيتينا اياه .. هذا وضع وهذاك وضع ثاني..

      الدين دين يسر..

  6. تفاحه لزيزا يقول

    انا من سكان جده وحاسه بالفاجعه اللي المت بكم بس ربك يمهل ولا يهمل اهل الرياض كانو يقولون ان اللي صار لنا بسبب فساد جده وبناتها وكاننا بمنطقه غير السعوديه واحب اقول الفساد بكل مكان عمومااشكرك على النقل واشكرك على محاولة انقاذ صحباتك بس بجد هل يوجد وفيات او لا

  7. الزعيم يقول

    من جد الله يعينك
    وحسبي الله على الدفاع المدني والشباب الي بضحكون عليكم

  8. Smooth يقول

    كل ما يحدث بقضاء الله وقدره نحن نعلم ذلك ،،
    لكـــــــــــــــــــــن :
    لماذا مجرد حدوث أمطار حتى وإن كانت غزيرة يحدث كل هذا الدمار الهااااااائل
    أين المسؤلون أم انهم واقفون على برج عاج ويرفضون طوال السنوات الحديث مع الناس ماذا فعلوا وماذا قدموا سؤالي لهم:
    بالامس جدة واليوم الرياض ماذا بعد ؟؟ اما حان الوقت ليصححوا هذا الفساد ,,
    أتعجب مشاريع بالميارات ميزانيتها ولا يصل المبلغ للأشخاص المنفذين للمشروع إلا وصارت مليون أو مليونين ..
    وبالنسبه للشباب فمعروف هذه السخافات من بعضــهم وابسط مثال عندما يحدث حادث ,,
    لكن كما توجد مثل هذه الفئه(الساذجه) هناك فئه(رائعه) منهم
    يضحون بأنفسهم لإنقاذ نساء وأطفال وعائلات …
    حمدا لله على سلامتك وسلامة الجميع ..
    وشكرا لكـ ..
    أختكـ ..

  9. TELE TECH3 يقول

    شي طبيعي لان قبلها مدينه بجامعتها راح في شربت ماي ولا احد حولك
    وفهم يا فهيم

  10. مهوني يقول

    احس الجو كان حلو ويخوف

  11. cenema يقول

    حسبي الله ونعم الوكيل

    نفسي اشوف شي يدل على تطور السعودية

  12. ضاوية يقول

    ــالله سترك

    الحمدلله على سلامتكم

    الله يرحمنا برحمته

  13. ههههههههههههههه يقول

    الى الامام ياسعوودية

    ههههههههههههههههههه

    المسؤولين كلهم حرااامية مايعرفون الا السرقات وبس

  14. مهندس مدني يقول

    حمد لله على سلامتك

    وقول لاهل الرياض واهل جدة
    إن الدراسات تقول إذا جا مطر بالغزارة هذي على منطقة معينة فما راح يتكرر إلى بعد عشرات السنين إذا فيها تعزيه لكم ×_×

    طبعا هذي دراسات تقديرية لان إنزال المطر من عند الله

  15. t يقول

    والله حسييت بخووف وانا قااعد اتخييل الموقف فقط …!! فما بالك باللي عاشه ..

    الحمدلله على سلامتك اختى والله يحفظ بناتنا من كل مكرووه ..

    وبالنسبه للدفاع المدني او التصريحاات للاسف لاتستغربين مثل هالتصرفات منهم احس انهم نااس متأثرين بالصحاف اللي لما كانت الطائرات الامريكيه تدمر بلاده وهو يقوول لا هذا كذب وحنا اللي ذبحناهم موب هم ..!! << شطحه !

  16. mlook يقول

    الله ستركم والحمد لله عسلامتكم ولا حول ولا قوة الا بالله

    عدت على خير

  17. هههههه يقول

    هههههههه اقول اما المسؤولين عندنا كلهم يقول
    بطني بطني
    واحلى فشخ ونهب بالمليارات
    بالا نسوي مشروع تلوين ارصفت الجامعة
    ويطالبون الماليه بميتين والا ثلاث
    وفي الجيب
    وغير اللكزس 2009 الى 2010 وروح لعنبوا فنك
    وهكذا
    بعدها نقول شوف الفساد الدنيا مخبوووصه كلها
    لكن حنا الحمد لله في جمامعة الملك خالد
    المدير معه لكزس 2004 اسود وما غيرها
    ههههههههه ( قلنا من كذا من اول )
    ورب امك حاطين عيادات ومدري ايش تقول داخل الاخصائي بالرياض للعيون
    والا جا مطر
    خررررت السقوف مويه
    ودك تحتمي بالهلمباني لكن بتنهد علينا
    ويننننن روح
    مع المجاري والا ايش

  18. محب الحشمة يقول

    أولا أختي حمدا لله على سلامتك وسلامة أخواتك من الطالبات والله يجعل كل اللي شفتوه في ميزان حسناتكم.
    ثانيا الواحد فينا يحمد الله على أن جعل من أبناء هذا البلد من يحرص على تطبيق شرائع ديننا الحنيف حتى في أحلك الظروف زي الظرف اللي مريتو فيه صحيح إن الموقف صعب ولكن التقيد بآدب الدين مطلوب في كل الأوقات قدر المستطاع ولا يكلف الله نفسا الا وسعها. وأتعجب من الأخت اللي ضربت مثال باحنراق البيت وحاب أقولها إن مسألة البحث عن العباية ماهي إلزامية في هذه الحالة لأن ربنا يقول ( واتقوا الله ما استطعتم) ولكن المرفوض هوالتساهل في موضوع الحجاب.والله يحفظ عيالنا وبناتنا من كل سوء.
    وأخيرا أقول للشباب اللي استغلوا الفرصة وقامو يصوروا البنات في هذا الوقت العصيب متى يخافو من الله .ويتذكروا إنو لهم رب قادر على كل شي وان هذه الامطار والرياح والرعود جنود من جنود الله التي لايعلمها إلاهو وقادر على ان يسلطها عليهم .

  19. mhmd يقول

    في البداية الله يعطيها ألف عافية الي كتبة الموضوع
    وأن شاء الله ما يصيبك شر
    بصراحة أنا أندمجة مع المقال وحسية أني معهم وتمنية أكون موجود
    ههههههههه
    بس ماقول غير هذا من زين شغل المقاول

  20. هلوسة فيلسوف يقول

    السلام عليكم جميعاً

    فالحقيقه تأثرت بما نقلته الأخت الفاضله من حدث مرعب كونه يخص عورات أخواتنا المسلمات

    الحمدلله على السلامه أولاً

    وثانياً أتمنى منها ومن يقدر ينقل الموضوع بالصور والأدله في جميع المواقع الحساسه طبعاً بعد إذنها وأذن إدارة الموقع
    لأن الخطب جسيم والصور أبلغ في التعبير عما حدث من مهزله وتلاعب وإختلاس أموال الدوله من قبل المقاولين والمسؤليين عن هذه الجامعه

    في الحقيقه لدي كلام وكم هائل من الشحنات الغاضبه تجاه هذا الموقف

    ولكن لا أحب أن أطيل عليكم
    أكرر ندائي بنقل الموضوع لجميع المواقع الحساسه ( أفهموا)
    والحمدلله في السراء وفي الضراء ــــ هـ ل و س ة ف ي ل س و ف ÷÷

  21. سعودي يقول

    أول مرة أدري عن الأحداث هذي !!

    الحمد لله على سلامة بناتنا و جعل ما اصابهم في ميزان حسناتهم .

    جامعة الاميرة نورة مبناها جديد ويصير فيها كل هذا ؟؟

    انتي ما مثلك بهالدنيا بلد :(

  22. سيل في مدينة ؟؟؟!!!!! يقول

    اصلا احنا عايشين في بلد القوي ياكل حق الضعيف واذا ما كنت امير او ولد من اولاد الاكابر مالك اي حق بلد حرامية من اولهم لاخرهم يعني لو مية ملك يوعد بالتغيير راح تبقى فلوسنا تروح للعيبة الكورة وللحلوات اللبنانيات

  23. ام نايف الشريف يقول

    مبروك على اغراق البلد وتضيع المال والولد بيوتنا راحت في الهدد وضاعت اثار المقدسات يوادي طوى وراح تصير سياحيه فيها الحرمه تسوق سيارا والرجل يجلس في البيت يحمل ويلد

  24. مخلوقه يقول

    الي كاتبه الموضوع انتي بنت المهوس

  25. انسانه يقول

    الحمد الله ع السلاامتس والله لاا يعيدها عليكم وعلينا والله يستر عليكم وعلينا وجعل كل من صور البنات تضيع الصور وجعلهم يمرون بذاك الموقف ويحسون بالقهر

  26. مخلوقه يقول

    حمد الله ع سلاامتك ممكن سؤال انتي بنت المهوس …؟

  27. عزام يقول

    حسبي الله عليهم وين راحت المليارات اللي بنوا فيها !!!! والله ظلم وحسبي الله على من كان السبب

اترك رد