منذ 8 سنوات
مزمز 2
أثارت تغريدة الممثل السعودي الكوميدي ناصر القصبي، في تعليقه حول قرار إنشاء الهيئة العامة للترفيه، حين كتب: “إنشاء هيئة عامة للترفيه سيعيد إنسانيتنا التي فقدناها منذ عشرات السنين، وسنصبح مثل بقية خلق الله بشراً طبيعيين”، موجة استياء وغضب واسعة لنشطاء موقع التواصل الاجتماعي “تويتر”، معتبرين أن “القصبي” أساء للمجتمع السعودي، وأنه قصد أنهم فاقدون للإنسانية منذ عشرات السنين، وأنشأوا وسماً عنونوه #القصبي_السعوديين_بلا_إنسانية، مطالبين الفنان “القصبي” بالاعتذار.
ووفقا لموقع سبق انتقد نشطاء موقع التواصل الاجتماعي تغريدة الممثل السعودي ناصر القصبي، في تعليقه على إنشاء الهيئة العامة للترفيه، واعتبروا أن تغريدته إساءة واضحة للمجتمع السعودي، وتهجم على أخلاقهم ومبادئهم، معتبرين أن وصفه بهذه الطريقة في غير محله وليس له تبرير، باعتبار أنه يقصد أن المجتمع منذ عشرات السنين فاقد للإنسانية.
وقام عدد من نشطاء “تويتر” بإنشاء وسم وصل إلى ترند عالمي بأكثر من 36 ألف تغريدة، خلال ساعات فقط، من تغريدة الممثل ناصر القصبي، داعياً الممثل للاعتذار لمجتمعه الذي أساء له بهذه التغريدة، مبيناً أنهم دعموه ونصّبوه ملكاً للكوميديا السعودية طوال السنوات الماضية وتفاجأوا بالإساءة لهم.
وكان “القصبي”، قد كتب عبر حسابه بموقع التواصل الاجتماعي “تويتر”، في تعليقه على قرار إنشاء الهيئة العامة للترفيه: “إنشاء هيئة عامة للترفيه سيعيد إنسانيتنا التي فقدناها عشرات السنوات وسنصبح مثل بقية خلق الله بشراً طبيعيين، وأن الترفيه سيهذب ليس أرواحنا فقط بل حتى أخلاقنا، وبوجود الشارع ستختفي ظاهرة الهمج والحونش، وإن الترفيه ليس مشروع ترف، الترفيه في توقيته الحالي مشروع ثقافي خطير، ستلتئم الأسرة وسيعدل هذا الشره الاجتماعي البشع في أثره الانفصالي المريض”.
منذ ساعة واحدة
منذ 3 ساعات
لانستطيع الحكم الحين على الوزارة الجديده
الحمدلله انسانيتنا بدت من عهد الرسول علية الصلاة والسلاام
ماهي مع المجون والانحطاط
بصراحة يجب ان يكون هناك حملات توعية ونترك الانسان خصيم نفسه على ان لا يتعدى حدوده فيدخل على حدود الاخرين .. في المستقبل لن يكون هناك رقابة فكل شئ مفتوح من الفضاء ربوا اولادكم وحصنوهم من الداخل بالاخلاق والادب هناك من ينصح هنا وهناك وعلامات الدين عليه ولاكن تجد ابنائه هايتين بالشوارع قمة في الهمجية وبلا أخلاق.. وهناك من يدعي الثقافة والانفتاح وتجده بلا اخلاق ويتصيد الفرائس من النساء المغفلات ظناً بأنه انسان مثقف وذوا اخلاق ولكن سرعان ما يكشف عن الذئب داخله .. فل نحصن ابنائنا من الداخل وبلاش وصايه على احد فل نقوي التوعية ثم التوعية فالتوعية ..
الترفيه عبارة عن مسرح للمسرحيات + قاعات سينما + المنتزهات + السياحة داخليا + رياضة وغيرها
مسكين يالقصبي الان بيكفروك وبيحللون دمك
الله وياك والقلب داعي لك
تعليقي انحذف ?
واصل يبو راكان لا تلتفت لكلام الرويبضات والدراويش
هههههه من الغريب انك تسب نفسك يالرويبضه
بالله لا ترمي بإسقاطاتك ع الناس وترى محدٍ
درا عنك وعن ابو راكان حقك يا التافه الحقير
وبالله تغير صورة ميل جيبسون ترى بتكرهني فيه
ابد ما يناسبك .
صدقت واعتقد فيه ناس مشتريهم السدحان لا تستغرب شي في ها الزمن زمن سياسة القطيع
لا احد يختلف بان هذا الشخص مبدع في مجاله ولاكنه خبيث
ناصر ماقال شي غلط المشكله ان السعوديين باول ويكند اواجازة سفر على دبي وجسر الملك فهد للبحرين يدورون الترفيه وغيره كانت لبنان ومصر وسوريا اقتصادها قائم على السياحه من السعوديين والحين طلع غلطان الرجال قال نبي نعيش زي الناس مفهوم قصده انه يقول بدل ماتروحون تدورون الترفيه بالبحرين ودبي تلاقونه هنا وبلدنا امن وامان والعايد على بلدنا..والناس تطورة وقصده ان السعوديين اكثر الناس تدور الترفيه وترى حفلات الفنانين مايحضرها الاالسعوديين رغم غلا سعرها وش المشكله لو صارة عندنا سينماء وحفلات تحكمها ظوابط شرعيها زي الجنادرية لكن بسلوب ارقي شوي ومتطور صالات متخصصه وترتيب
كالعاده ضوابط شرعيه يسكتونا فيها عشان نرضى
مع احترامي لتس هي مو حلال عشان تحكمها الضوابط الشرعيه حرااااااام
حلللوه ضوابط شرعيه الله يسعدك يا ام عبدالعزيز ويخلي لك عبدالعزيز ..
نطلب من امريكا تصور لنا افلام بضوابط شرعيه ?
ونقول لعادل امام تكفى مثل بدون مشاهد ساخنه وفق الضوابط الشرعيه ..?
زي لما وضفنا بناتنا في المحلات ومديرها لبناني وفق الضوابط الشرعيه ..?
الله يسعد ايامك ويغنيك ويخلي لك غاليك الظوابط بنظري يانظر عيني العمر يكون انسان عاقل راشد الافلام الي تعرض تقص منها بعض المشاهد يكون ايام لشباب وايام للبنات المشكله مانتي مقتنعه بناتنا وعيالنا صارو يسافرون لحالهم وبدون محرم وصار كل شي متوفر برى لهم العوايل اعطت اولادها وبناتها حرية السفر بحكم الكبت والحرمان الي يعيشونه انا ام وزيك ارفض التحرر لكن زماني تغير مادري عن عمرك الله يعطيك الصحه والله اني احيان اشوف فلم ع ام بي سي 2 والله اني اخجل منها واستحي من بعض مشاهدها ..وفيه ظوبط شرعيه بكل شي وارجع واقول الانسان خصيم نفسه وجهة نظري ان السينماء ممكن تكون افلام خاصه لشباب وممكن يكون يوم رسوم متحركه للصغار وممكن تكون افلام كومديه والحفلات يكون قسم خاص بدون اختلاط وشكرا ع ردك واحترم وجهة نظرك وربي يسعدك
المشكله يا ام عبدالعزيز .. انه راح تدحدر الامور .. و خروج البعض هدانا الله واياهم لمشاهدت الافلام والسينماء هذا لايكسبها الاباحه فننشر الفساد في بلادنا ..
تقولي يوم شباب ويم بنات راح يجو دعاة التحرر والانحلال ويقولو الناس في الخارج والدول المجاوره اعطوا بناتهم وعيالهم الثقه خلو بناتنا يشاركو شبابنا المشاهده مثل مايحصل في المتازل ..
راح تكو والافلام مثل المستوى الي تقولي عنه في ام بي سي 2 … بحجة ان لم نقدم مايرغبه بناتنا وشبابنا فما فائدة فتح سينما ..
لانه راح يسافرو عشان يشوفو الافلام بدون قص ولزق .
الله سبحانه اعرف منا بحالنا مع الشيطان ( ولا تتبعوا خطوات الشيطان )
كل منكر تأفله العين والقلب يصبح امر مباح للنفس وتستسهل مابعده .. هذه هي خطوات الشيطان ..
كل شيء يبداء بخطوه وبعدها الى دحديرا ..
من ضيع الامانه ورمى بنته وولده يسافر بدون حسيب او رقيب ليس ذنبي ان يضيع ابني وابنتي في بلدي بأفتتاح مثل هذه الامور ..
الله يصلح لنا ولك ابناءنا وبناتنا فهم امانه سوف نسأل عنهم يوم القيامه واول من يتعلق في رقابنا هم ابناءنا ان ضيعنا الامانه ..
تقبلي مروري ووجهة نظري ?
والله لو كانت تهذب الناس وتروض الوحوش زي مايقول كان روضتهم في الدول المتقدمه في فنون السينما والمسرح والمهرجانات الغنائيه والمراقص والملاهي الليليه ماشوف غير انهم اصبحوا حيوانات وانتشرت عندهم الجريمه والتحرش والاغتصاب وارتفع اعداد المواليد غير الشرعيين وامتلات السجون باصحاب الخمور والمخدرات ..هذي الانسانيه اللي تبغوها لنا يااصحاب الانسانيه وهذا هو التهذيب والرقي الاخلاقي يااصحاب الاخلاق..اتفوا عليكم وعلى اللي يسمح لكم تدمروا اخلاق شبابنا وبناتنا عشان شهواتكم المريضه
انت ادخلتي عباس مع كباس ففنون السينما والمسرح شي والمهرجانات الغنائية والمراقص والملاهي الليليه شي ثاني ولكل مجتمع له ارثه من هذا ذاك _ناصر القصبي كان يتحدث عن أمر مهم للغايه وهو الترفيه كصناعه محترفه ونحن كنا بدأنا في الستينيات والسبعينيات من القرن الماضي بخطى قويه في هذا المجال ولكن للأسف بعد أحداث جهيمان واقتحام الحرم الشريف انقلبت كل الموازين وسلب الترفيه منها كل امتيازاته _ يجب أن نفرق بين الترفيه الحلال والحرام وان نأخذ مايتناسب معنا ونترك إلغثاء على جنب _ فالسعوديون وأبناء الخليج ايضا ينفقون المليارات سنويا خارج بلدانهم وهذه حقيقه يعني لو استطعنا أن نحتفظ بنصف هذه الأموال داخل بلداننا لكان فيه خير عظيم ولن يحدث هذا إلا بتوفير البنيه التحتيه لأنشطة الترفيه المسألة فيها فكر اقتصادي بعيد المدى يعود بالمنفعه للوطن والمواطن __بالمناسبه ناصر القصبي ترا سوقه ماشي سواءا فيه وزارة ترفيه أو مافيه وأستطيع أن أقول لك ان ناصر القصبي هو الأغلى أجرا بين ممثلين دول الخليج يعني الرجل في سعه من غير وزارة الترفيه
من غير المعقول ان يتحدث ناصر عن شئ لم يستطع تقديمه لنا ! خصوصا في اخر اعماله الفنيه كمجمل ! يتحدث عن الرقي وهو يقدم اسفافا لا حدود له ! وتجاوزا اخلاقيا يندى له الجبين ، حتى العنصر النسائي اللذي ادخله في اعماله بشكل مسهب لم يظهره الا بمظهر الانثى المرغوبه لدى الرجال بجمالها لا لعقلها !!!!
يصعب على تصديق اقواله عندما يخالفها بافعاله .
أخوي باسم الله يعز مقدارك انا لست هنا مدافعا عن ناصر القصبي ولا عن مايقدمه من أعمال فنيه _انا أتكلم عن منظومة الترفيه بأكملها ولا انظر الى زاويه واحده فقط فالسيارات اختراع عظيم قدم للبشريه منافع جمه ولكنه قتل المئات من الألوف من البشر لسوء الاستخدام _كذلك في الفن هناك من يقدم أعمال فنيه محترمه كما كانت سابقا في الستينات والسبعينيات ولكن في الثمانينيات انقلب الوضع وأصبح إدخال عناصر كما يسمونها عناصر التشويق في الأعمال الفنيه ومن يومها أصبح الوضع في إزدياد _ العمل الأخير الذي قدمه ناصر لا تنسى أن المنتج المنفذ وهي مجموعة Mbc هي من يتحكم في وضع البهارات كما يسميها البعض داخل العمل الفني ويمكن انك لاحظت انه كان في السنين الأخير بعض الاعتراضات على بعض الأعمال الفنيه التي قدمتها وانتجتها مجموعةMbc مثل مسلسل عمر الخطاب ومادار حوله من لغط كثير في رؤية العمل _ طولت عليك وسامحني يالغالي لكني احترم رؤيتك واقدر غيرتك كثر الله من امثالك وشكرا
جزاك الله خير يااخي الكريم على حسن ردك وجميل اخلاقك ، ولكن للاسف MBC لم تكن لتقدر على فعل ذلك الا بوجود ضعفاء النفوس كالقصبي وغيره من هؤلاء المنافقين ان صح القول ، يكفيني ان طبق من الحديث الشريف هذا الشق ” اذا حدث كذب ” وهذا فعليا ماتقوم عليه مهنة التمثيل كافه .
احسنت ناصر وعبد الله انتهوا منذ ان اختاروا الجرئة للانتشار عربيا على حساب ذوق الجمهور السعودي المحافظ
??????????
والاحترام لك ايضا اختي اكيد مافيها حرام السينماء هذا الناس يتفرجون على الافلام ع الفضائيات والاغاني هذا الناس تسمعها بجولاتها وبسياراتها وكل حفلات الفنانين الي برى ترى مايحضرها الا السعوديين اجل ياحبيبتي كل ويكند الجسر زحمه والرحلات لدبي مقفله ليش ولا هناك حلال وعندنا حرام وبعدين روحي باالاجازاة لدبي وشوفي السعوديين وش يسوون وهذا بلد خليجي ع اي حال مجرد رأي والعاقل خصيم نفسه
واذا الناس شافت الافلام نساء ورجال ومشاهد ساخنه وسمعت الاغاني والفجور صارت حلال ?
اذا اردنا ان نقترح شيء نرده للكتاب والسنه هل هو حرام فننكرخ ام حلال فنرضاه لانفسنا ..
لايسافر للبحرين لمشاهدت الافلام اهل الصلاح والدين ..
بل سقاط الناس وادناهم خلقا ..
هل سيقدم في السينما افلام وثائقيه وتاريخيه ..
بل افلام يختلط فيها النساء بالرجال .. وترتدي البطله مايستر عورتها المغلظه ..
وحتى افلام الاكشن لاتخلو من حبيب وحبيبه ..
احنا المؤلفين السعوديين امثال عبدالله عسيري صارت افلامهم ومسلسلاتهم لا تتكلام الا عن الجنس والاغتصاب .
اللهم امنا من الفتن ..
اوافقك بما قلتي
أنني جالسة تتكلمي على صوره نمطية للعالم الغربي ادخلي دولة دوله وفيها إحصائيات حكوميه ببيانات مفتوحة … تقدري تستخدميها وتحدديها وتناقشيها ترا هما نفسنا بشر صحيح ماهم مسلمين بس لهم مباديء .. نفسنا كدا ..حتى لو أنهم ماهم مسلمين .. ترا اسلوبك يقهر خليتيهم كلهم وحوش ..وحقيرين… عندهم مباديء مثلنا بالضبط حتى لو اختلفنا يامسلمه …
انا اروح سينما ايشفيها السينما مايعرضو فيها افلام عليها خط أحمر .. ترا عندهم مبادئ ..
انا اتعلمت في أستراليا كيف يعطفو على الحيوان والإنسان وكيف له قيمه .. ايوه يامسلمه ياعظيمه احنا بشر .. وهما دوله نفس دولتنا بس احنا تحت قانون إسلامي وهنا قانون وضعي بس حافظين حقوق المرأة والطفل والحيوان والرجل …
ترا نفسنا لاشافو الوحده من واحد لواحد يقرفو منها وينعتوها .. ويشمئزو منها … نفسنا بالضبط لأنه احنا حكمنا الدين لأنه ديننا دين صحيح والعقل والمنطق يقول هذا غلط . شراب وخمور بلدنا يدخلو ويهربو الشراب والخمور والحشيش .. وطبعا والإعلام يشهد يعني في كل مكان في ناس خارجين عن الفطره الصحيحه .. حتى لو كان الخمور مسموحة برا … لهم حرية الاختيار .
انتي ماتفرضي وتتكبري وتشوفي نفسك وتستحقري خلق الله .. لأنه في كل مكان في الطيب والبطالة انا سعودية اشوف أستراليات بحجاب كامل كامل كامل حتى عينها ماتشوفيها وسعوديات كثير هنا عبايات ملونه وكشف ومكياج وهما المفروض الي يكون هدا حجابهم ..
بس ماله داعي التفكير بالطريقه ..
ايش قال ناصر .. اتفق معاه في نقطة السعودية مساحتها كبيرة ومساحات كبيره من الأراضي البيضا غير مستغلة .. شباب محروم .. صارو يستأجرو استراحات والا مزارع والا كازينوهات . الشباب ماعندهم وسائل ترفيه .. أشياء يستفيدو منها الشباب والبنات بشكل جدي ماعندنا .. سياحه تجدب لايوجد .. وإلا ليه الأغلب يبحث عن السياحه خارج المملكة . هذه الوزارة لفتة عظيمة ورائعه قد تخلق تغيرات .. وتشجع الشباب في هدر طاقته في وسائل ترفيه هادفه
صح لسانك كفيت ووفيت والإنسان هذا ماقول الا الله يعافيه ولايبلانا انسان حاقد ع الشعب السعودي مع انه واحد منهم واللي انسله سعودي ابا عن جد
انا مع نصر القصبي صراحة :)
تعلم الإملاء وبعدين ننظر في أمرك !
ناصر :)
هههههههههههههههههههههههههههههـ ياخي من اسمك مراقب ^ـــ^
??