فيديو: خادمة تسحب طفلة صغيرة من شعرها في الشارع أثناء اخذها من المدرسة

456

تناقل ناشطون على مواقع التواصل الاجتماعي مقطع فيديو للحظة قيام خادمة بسحب طفلة صغيرة من شعرها امام مدرستها التي اخذتها منها.
وطالب المتابعون بمحاسبة هذه الخادمة التي تقوم بمثل هذا العمل أمام الناس جميعاً في الشارع فكيف بها داخل المنزل، في الوقت الذي وجه آخرون الانتقاد للاهالي الذين اصبحوا يعتمدون على الخدم في كل شي ومنها ارسال السائق والشغالة في توصيل الابناء من و الى المدرسة.

27 تعليقات
  1. اخت من طاع الله يقول

    حسبي الله عليتس وعلى اهلها الداجين

  2. غنى يقول

    ضحية ام ضيعت الامانه..
    ليت الام مكانها وتنجر بشعرها الرفله الي متنازله عن دورها للخادمه ..

  3. السلطان العثماني يقول

    اختلاف ثقافات
    ??

  4. بطران و متهني يقول

    اسال الله ان يجازيها على فعلتها

  5. AzizA يقول

    افا يا اختي ليش حكمتي على اهلها، ترى يحاسبونك يوم القيامه. قولي حسبي الله عليها الخادمه. وانتبهي تتهزين ترى الهزوى عدوى

  6. اخت من طاع الله يقول

    انا ماتهزيت

    الداجين معناها الهاملين

    صارت فشخرة وهياط عند بعض الناس يخلي الشغاله هي اللي تجيب العيال من المدارس

  7. فاطمة يقول

    من قلة الباصات حتى الوحده تأمن طرش عيالها مع بشاكير وسواقين

  8. Gentelman8 يقول

    من يريد اولاد عليه ان يتحمل مسؤوليتهم …..تربية الخدامات لن تجدي ….كم سمعنا و شهدنا بعد تثبيت كاميرات في البيوت ماذا تفعل الخدامات في الأطفال و هناك اصرار للأحتفاظ بهم و ترك اولادهم تمام لهم …كيف تنشأ العلاقة الطبيعية بيم الطفل و امه و ابيه و العاطفة الرائعة بين الطفل و اهله و هو اما مع الخادمة او مع السائق….لذلك لا نتعجب عندما نجد عقوق و معاملة سيئة للأهل عندما يشتد عود الولد او البنت

  9. بكره احلى يقول

    الاب السعودي معاد له اي دور زمان كان على يجيب المقاضي ويوصل ألحين دورة الوحيدة في الصبح يقعد على مكتب العمل يشرب ويفطر ويسولف مع اصحابة وفي النهار يتبطح في الاسترحات

  10. سمر ام الفصولي ياعسى عمره طويل يقول

    تلاقين امها متوظفة مكروفة على وجهها موفاضية لها وفي النهاية زوجها ياخذ راتبها يسدد به قروضه حقت صياعته وهو شاب او يجمعها ويتزوج عليها ذك الساعة تفوق تدور عيالها

  11. سمر يقول

    ولا حتى الباصات امنه للاطفال الافضل الاب يجيب عياله اذا ظروف عمله ماتسمح الام اذا ظروف عملها ماتسمح في كاميرا للسيارات وابلكيشن عن طريق الايفون السواق والشغالة مراقبين ماادري ممكن عندكم في الامارت الباصات مرتبة ومراقبة اما عندنا بالذات البنات الصغار خطر

  12. فاطمة يقول

    بالعكس أأمن من السيارة الاب دوامه في مكان ومدارس العيال كل واحد في مكان واذا بيطلع من صباح الله خير وما غير الزحمه ويمكن يحصل باركن ويمكن يقعد يدور
    ويمكن المدرسه عندهم اجتماع وطلعوا اليهال بوقت الاب كيف بيظهر من دوامه ؟
    هيه الباصات مراقبة من التلفون اقدر اعرف في اي منطقه هو ومشرفة في الباص وأرقام الأهل عندهم
    على فكره الفيديو مبين شكله في قطر من رقم السيارة

  13. غنى يقول

    الله يعين الي مثل هذي الحالات لكل حاله ظرف ..
    لكن بشكل عام ما احد بيطلع على ظهري الا اذا انحنيت له ..
    ومتى ماحس الرجل ان المرأه ضعيفه وعنده مايضغط به عليها راح يدوس عليها برجله والنتيجه عيال فاقدين للحنان والاهتمام ..
    لكن لو شاف انها قويه وان وجوده في حياتها مو مهم وممكن ترميه وترمي عياله والله راح يعمل لها الف حساب ويعرف انها مو انسانه مسلوبة الاراده ..

  14. AzizA يقول

    اوافقك الرأي في ان كثير من الناس صارت عندهم موضه انهم يستخدمون الخدم في كل شؤونهم اليومية ولكن نصيحه من اخوك اجعلي دائما امامك عشرات الاسباب قبل الحكم على الحدث والتأني افضل من العجله. مثلا في هذا الموقف ربما هي يتيمه اهلها متوفين وتعيش مع اقاربها، او ربما اهلها مريضين او مسافرين او اطباء يعملون في المستشفى لعلاج اهلنا او او او دائما انظري للجانب الخفي وعيشي في الطرف الاخر قبل الحكم على الاشياء لانها تساعدتك على التغلب على النظرة السوداوية في الحياة. صدقيني راح تعيشين في سعادة عالية لا يوافقك فيها الا المتطلعين امثالك. وفقك الله.

  15. BooS BiG يقول

    ليش مكبرين الموضوع تصرف عادي جدا جدا جدا .. صدقوني ان الاطفال في بعض الاحيان يرفعون الضغط .. تتوقع ان تلعب الخادمة دور الملائكة مستحيل وصدقوني لو كانت الام موجوده بنفس الحدث فانها ستفعل بابنتها اكثر من ذلك لان البنت ما طاعت تمشي لذلك تصرف الخادمة قد يكون اقل من تصرف الام التي سوف تنهال بالضرب على البنت وانا متاكد من كلامي ان هذا الموقف سوف يصير …اليس الجميع يقول ان الخادمة اصبحت تقوم بمهام الام … اوليست الام تضرب وتؤدب وكذلك هذه الخادمة هنا قامت بالضرب والتأديب وايضا صدقوني ان الاب لا يستطيع كثير من الاحيان تحمل عياله فماذا تتوقعون من الخدم

    الامر عادي جدا ولا تهلولون ولا تكبرون … اعتمدي على نفسج قبل لا تخلين الخدم يربون عيالكم

  16. BooS BiG يقول

    هههههههههههه هذا همج انه ياخذ فلوسها ويتزوج عليها … ترا الريال ما يتزوج لو شاف قصور من الحرمة اللي هي لاهيه بشغلها وتركت بيتها للاسف ,… ما دام فلوسها ياخذها ريلها طيب ليش تداوم تفنش احسن مو صح ولا هي فقط دوام وضياع الوقت والملل وهذا اغلب الحريم اللي يبون يداوموا فراغ ومللل

  17. الفهد يقول

    اختي العزيزه مو كذا الحياه أو مفهوم الزواج

  18. ابو ماجد يقول

    كلام معقول جداً

  19. abomassad يقول

    انا اشوف انه عادي المقطع
    بعدين هي ماشدت الشعر بقوه وبسرعه فكته وسحبتها من يدها
    والواضح ان البنت مدلعه

  20. سمر يقول

    توقعت عندكم الشغلة مرتبة تقدرين تراقبين سير الباص على الاقل وتتواصلين مع المشرفة. اما عندنا الباصات غير آمنه للاطفال واتوقع ولابعد مية سنة توصلنا التقنية الا اذا حصلت معجزة

  21. سمر يقول

    الله انا دلعة او مرعوبة من الشغالة

  22. سمر يقول

    انا = اما

  23. حمني يقول

    شكل هذا المقطع بالكويت وهناك خبر عن خدامة اثيوبية قتلت مخدومتها الكويتية بالساطور على راسها

  24. سمر يقول

    استغرب من الحريم من عندها فراغ هذولا ماعندهم تنظيف وطبخ وترتيب وغسيل وتدريس وتلعيب وتنويم ومطارد ممكن بعد كل هذا اتوقع يطلع من يومها كله ساعة بالكثير فاضية تفرفر بالنت او تصلح لعيالها حلى ولا تخطف رجلها لجارتها لكن اكثر من ساعة ساعتين باليوم كيف؟ من وين تجيبه وقت الفراغ!

  25. سمر يقول

    لا والله الا عيالي بعد عمري لو بس يعصب عليهم اسود عيشتهفاهمه عليك انه اسلوب حتى ينتبه … بس ماافضل الاب والام يستخدمون الاولاد لضغط او التهديد

  26. غنى يقول

    انا اتكلم عن شريحه من الذكور يريد اذلال المرأه المسكينه بأطفالها ..
    ما اعتقد فيه ام طبيعيه ترضى ترمي عيالها .. لكن اقصد ان يعرف الرجل انه لن يستطيع ان يذلها بعيالها او وظيفتها ..
    بعض الرجال يعربد ويظلم لانه يعرف مدى تعلق هذه الام بأطفالها .. ويهدد لو خرجتي من البيت ماتشوفيهم بعينك .. رغم انه عارف انها لو خرجت بيبتلش هو بالعيال فهو احرص منها انها ماتخرج ..
    الشاهد ان يعرف الرجل انها اقوى من ان تبيع سعادتها لاجل اشباع انانيته ..

  27. فاطمة يقول

    انتي عبالج المشكلة بس عندكم نحن بعض العوايل مع انه المدارس الحكومية على مستوى ويستخدمون ارقى الوسائل التعليمية الا انه البعض يسجل عياله في مدارس خاصه ويحط سواق وبشكارة
    السالفة مب في التطور في بعض العقليات

اترك رد