نشر مقطع فيديو جديد على موقع يوتيوب لبداية مطاردة فتاة النخيل مول في الشارع وبين السيارات من مركبة الهيئة. وكان نشطاء على مواقع التواصل الاجتماعي، تناقلوا في السابق مقطعاً مصوراً يظهر فتاة تصرخ أمام أحد المولات الكبرى بالرياض، لدى محاولة شخص اقتيادها بينما تقف سيارة تابعة لهيئة الأمر بالمعروف والنهي عن المنكر إلى جوارهم وسط تجمع عدد من المارة.
https://www.youtube.com/watch?v=U58Q6Um2MNE
منذ 9 ساعات
نورهان صبرة 
واذا هي غنمه على قولتكم هي اللي جابت هالشي على راسها
استغفر الله العظيم ولاتبتيلينا وتحفظ لنا ذريتنا
الحين بهالزمن ماعاد يخافن الا من الفضيحة واذا ماسوو كذا الله يخلف بس
والنعم فيهم رجال الحسبه والله خربوها البنات لاعاد يخافن لا من رب ولا من دين مافيه الا الفضيحه خلهم يردعونهن ويستحن على وجيههنً منول لما كانوا رجال الهيئة لهم هيبه كان كلن يخافهم والحين للاسف تشوف المنكر وتسكت لان مالك حق تعدل فيه
حسبي الله عليهم والله لو أخته أو حرمته مايرضى عليها…ليش شغل البلطجية ذا…الغريب مافي أمير أو مسؤول كبير صرح أو وجه بالتحقيق…اكيد عشان الهيئة رجلها بالموضوع وعارفين أنفسهم مجرمين بحق البنت ومروعينها حسبي الله عليهم…هذا من ترويع الآمنين…يعني لو أنا أو انسانة ثانية خلاص نأخذ الحيطة ويمكن أحمل سلاح أدافع عن نفسي بسبب همجية أزلام الهيئة.
المنظر مثير للضحك والشفقة في ان واحد …..
بالنسبة للبنت لو حطت براسها انها تقابل احد ,,,, بتقابله حتى لو بمنزلها !!! وعند ابوها وامها
اعتقد اننا لسنا بحاجة الى مهاترات مثل كذا ….
والله يصلح الحال
هيئة الأمر بالمعروف والنهي عن المنكر جزء مهم من النظام
ومن مجتمعنا ويردع من لا رادع له ولكن يجب التفريق بين
الأشخاص الذين يعملون بهذا النظام وعدم التعميم و قذف
هذا النظام بالشتائم لمجرد وجود اشخاص غير اسوياء اقترفو
خطأ وخطأ فادح جداً يظل من يخطيء يمثل نفسه،،،
اما عن رأيي فيما يخص ماحدث لست معه بل اني غاضب
ومستاء جداً مما حدث فلا يحق لهم ( لمسها ) والواجب ان
يكون هناك نساء يعملون بهذا النظام لمساندتهم، لقد كان
تصرف همجي واحمق واتمنى ان ينال مرتكبوه العقاب
المناسب لهم، واكرر يجب ان يتجنب البعض التعميم وان
ينتقدو التصرف وليس النظام ولكل نظام او جهه حكوميه
اخطاء لأننا بشر ولا احد منزه عن الخطأ .
يا اخوي لو عمل معاهم عنصر نسائي رح يكونوا مثل اللي يصيح على جنازة الجيران و ناسي جنازة ابوه بالبيت
اولا : عمل مختلط و هو ضد ما تنادي فيه الهيئة
ثانيا : عمل ميداني و هو ايضا ضد ما تنادي فيه الهيئة
ثالثا : كيف بتمارس المرأة عملها و هي ما تقدر تروح و تجي يا بتركب معهم في الجمس يا بليموزين و في الحالتين خلوة ?
الحل كان في منع المطاردات من الأساس لكن للأسف ما اتقيدوا بالنظام و هذي النتيجة ،،
كل المسلم على المسلم حرام دمه وماله وعرضه
جاهل يلاحق جاهله .. ويستمر الجهل ومصخرتنا قدام العالم
المصخره انك تطالب بالنظام واذا طبق اصبحت تتشدق به وترفضه ! غيرك بالعالم يسوي اردى من كذا بالمتهمين تحت مظلة النظام !
إذا كان هذا النظام بوجهة نظرك خله لك .. الناس همها أكبر من هالناس الفاضية ..
نقول ثور يقول احلبوه !
طيب ياابني ، نبي ابدا معك من الصفر لانه واضح انك تسمع بالنظام ولا تعرفه !
1- الهيئه جهه امنيه نظاميه مخوله بالعمل في الاسواق والاماكن العامه في نطاق لايتعارض مع الجهات الامنيه الاخرى كالشرطه والمرور .
2- هرب المشتبه به من موقع الاشتباه او عدم تجاوبه مع رجل الامن يجعله يقع تحت طائله القبض عليه واعتقاله وهذا احد الانظمه الموجوده في وزارة الداخليه .
عند كلامك منطقي تناقشني به في النقطتين اللي انا ذكرتهم والا اعتقنا من هرطقتك ، وبالنسبه لي انا راضي بهالنظام وانت بسلامتك ، اذا لقيت لك نظامك يعجبك خذه و وده لوزارة الداخليه واطرحه عليهم والله يوفقك ان قبل ام لم يقبل .
على اساس الموضوع يستحق نقاشات طويله عريضة ياعمي مانت مجبور تقنع كل العالم انه الهيئه على حق وملائكه لأنه مستحيل تجبر احد يقتنع كل واحد له حق يبدي رأيه ويتكلم وينتقد ومالك حق تعارض كل من هب ودب في مواضيع الهيئه .. خلاص عارفين انك تحب الهيئه
باسم +الهيئة =حب ☺
هههههههه انا احب النظام وليس الهيئه ، انت لو تصير جزء من النظام كان حبيتك ايضا ?
وعلى فكره هاذي صفحة نقاش عامه ، وكلن يقول اللي يراه ، ماعمري كممت فم احد والجميع يحق له فعل المثل وتجنب التكميم مطلوب .
أنت تحب المصخره وتدافع عنها!
الله يشفيك
راجع ردودك وشوف كيف نقاشك مستميت على الهيئة رغم أنهم على غلط
فلا تقعد تتفلسف كثير .. كثرة الكلام والفلسفة ما تدل على الثقافة والنظام!
كثر ة الكلام تدل على صغر العقل
جزاك الله خير فعلا علمتني علتي وخللي !
بما انك من النوع الغبي واللذي يؤمن بتكميم افواه الناس فراح اعيدها لك مره اخرى ، هاذي ياابني صفحة نقاش عامه تناقش العالم وترد عليهم ، كما يحق لهم فعل المثل ، عموما تشكر على تقييمك النفسي والعقلي اللي لا راح يودي ولا يجيب .
الشهادة لله انت مو من نوعية الناس اللي مخهم تنك في النقاش و يا تسمعون كلامي يا إنتوا ما فيكم خير
و بالعكس تماما من ارقى الناس فكرا و قدرة على النقاش المنطقي
يا اخوان
ترى الموضوع سوالف و ابداء رأي
يعني لو قلنا الهيئة غلط او صح ما ح يقدم و لا ياخر
ايشبكم قلبتوا الموضوع اتهامات و تطاول و سب ؟!
يا ردوا على الحجة بالحجة يا لا تاخذوا اثم في شي مو مستاهل
?
جزاك الله خير يااختي ، ماادري الاخوان كأنهم شقوا عن صدري وعرفوا مكنوناته ! كلامي واضح عن احقية الملاحقه ام لا !
صعبه مره يطاردبنت
لانه مايقدريمسكهاولايجوزيلمسها يعني المطارده غلط
اكيدانهاحتكون عملت غلط لكن مدام ماستجابت ماكانوايطاردوهاكذالانهم مش حيقدروايمسكوها
يمكن لوجايه من امن حتسمع الكلام وحتنفذ لكن من رجال الهيئه اكيدبتشرد
لو مكان رجل الهيئه رجل امن ما كان هذا الهجوم على الهيئه ادامهم الله شوكه في حلق كل فاسق وفاسقه
سبحان الله ! الله يجملنا بالعقل بس !!!! انا ودي اعرف ليه العاطفيه الزايده هاذي ؟!؟! البنت صارت هادي صوعان وماتبون الهيئه تلحقها ! طيب اي جهاز امني بيصير قدامه مخالف ولا يوقف اكيد بيلحقه ؟!؟! اي نظام امني بالعالم يقول اذا فيه حالة اشتباه والمشتبه رفض يمتثل للاوامر او قاوم الاعتقال او هرب فللمسؤول الامني الحق بمطاردته وايقافه بالشكل المناسب !
انا ودي اعرف حمير اليبراليه والعلمانيه يغالطون انفسهم ليه ! يبغون الحرمه تسوق و في حالة قيادتها ومخالفتها للنظام قد تتعرض للاعتقال والتعنيف مالم تستجيب لرجل الامن ! والان ينتقدون رجال الهيئه في تطبيقهم للنظام !
اللي ينحاش سواء ولد او بنت او رجال او حرمه ماله الا النظام يأدبه ! هزلت والله كل واحد مخالف يستعطف العالم ويجونك العالم زي الخرفان وراه !!!!
معليش يا اخوي سم لي دولة وحدة بس الجهاز الأمني ممكن يدعس مشتبه فيه بدون ما يكون فيه تهديد لحياة رجل الأمن ؟!
في المقطع يقول بغى يصدمها كم مرة !!!! ايش المصيبة اللي سوتها تستدعي هالملاحقة العنيفة ؟!
ناهيك عن انه ممنوع نظاما على الهيئة القيام بالمطاردة و يكتفون بالإبلاغ فقط ،، فهم نفسهم خالفوا النظام و القانون
بنت و يلحقها رجال ،، ايش تتوقع انها بتسوي غير انها تفك الشردة ؟!
هل لو كانوا رجال الهيئة مو غلطانين كان تم عقابهم و فتح تحقيق مثل ما ورد في تصريح الهيئة ؟!
هل الامر بالمعروف يتم بالقوة الجبرية ؟!
هل يجوز لأي رجل في هالدنيا انه يمد يده على امرأة غير محرم له و يعريها وسط الشارع ؟!
ايش اكبر مصيبة ممكن تكون صايرة ،، ان البنت طالعة مع رجال غريب فأحسن حل لتأديبها هو تعريتها قدام الله و خلقه و سحلها كأنها بهيمة ؟!
يا اخي كن منصف
الموضوع لا هو ليبرالية و لا علمانية
الموضوع تعدي على حقوق ( إنسان ) قبل ما تكون مواطنة و كشف سترها بطريقة وقحة ،، الموضوع انتهاك لقانون واضح و صريح بمنع مطاردة المواطنين و الاكتفاء بالإبلاغ عن المخالفات و ارقام السيارات ان وجدت
يعني قانوننا هش و فضفاض و حتى في القوانين الصريحة نرفض الالتزام فيها !!!!!!!!!!!
ماراح اناقش ردك ولكن انا على تمام الثقه ان هذا المقال سوف يرد على جميع من شكك بالاجراء الامني اللذي اتخذه رجل الهيئه ، وايضا يشرح هذا القرار قانونية عمل رجل الهيئه وانه مصنف كرجل امن ذو اختصاص معين به .
اسم المقال ” جهات القبض تتحرى «إثبات التهمة» خشية الوقوع في مصيدة «الدعاوى الكيدية»
تعويض المشتبه به.. «حقك ما يضيع»! ، وتاريخ نشره هو عدد الثلاثاء 2011-08-02
اقتطفت جزء من المقال والمتعلق بقضية الهرب “أوضح المحامي “بندر المحرج” أنه عند استيقاف رجل الأمن -سواء المرور أو رجال الدوريات الأمنية-؛ فإن الأصل أن يترجل رجل الأمن الى “المستوقف”، وفي حال نزول صاحب المركبة فهو المفرط في حقه، وهذا ما نص عليه النظام الذي كفل عدة حقوق لسائق المركبة، ومنها مثلاً في حال أصرّ رجل الأمن على الترجل من المركبة فمن حق المستوقف الاتصال على الدوريات في حال وجوده داخل المدينة، أو أمن الطرق اذا كان خارج المدينة، ويفيدهم بساعة ومكان الإيقاف، ويطلب اسم ورتبة الشخص الذي يتحدث إليه، من خلال الجهاز الرسمي ويتقدم بشكوى ويطلب من الضابط المناوب توجيه هذا الفرد بتطبيق النظام بالنزول إليه.
وقال:”حينما يطلب من شخص ما التوقف ولا يمتثل للأمر ويهرب؛ فإن ذلك أوقعه في جريمة ثانية؛ لعدم الامتثال لرجال الضبط، كما أن دخوله لأحد المنازل بغية التحصن بمثابة التواصل للجريمة، ولا يعني ذلك أن يستفيد من حرمة هذا المنزل؛ فيجوز لرجال الضبط الجنائي الدخول للبيت؛ لأنه يحاول أن يستفيد من نظام تجريم الدخول للمنازل بدون إذن، وعندها يجب ألاّ يتمكن من ذلك، مع الأخذ في الاعتبار أهمية أن يتوقع رجل الضبط بحدسه ألاّ يتسبب دخول المشتبه للمنزل حدوث جريمة أكبر كأن يقتل أحد أفراد المنزل”، مؤكداً على أن دخول رجل الضبط الجنائي إلى المنازل بدون إذن تفتيش لا يسقط حق أصحاب المنزل في مقاضاة “رجال الضبط”، وعن أي مخالفة أو أضرار مادية ومعنوية نتجت عن هذا الدخول ”
النظام يكفل حق المتهم ايضا في التعويض متى ماثبت الاساءه له او لها ، وهذا الجزء مذكور في المقال نفسه .
يا اخوي كلامك لا غبار عليه لما نتكلم عن الحالة الأمنية اما الهيئة فهم استثناء من هذا الكلام لانه صدر تعميم بمنعهم من المطاردات و الملاحقات و عليهم الابلاغ و تحويل الموضوع للجهات الأمنية
ولو كان الإجراء اللي اتخذوه صحيح ما كان تمت معاقبتهم !!!
وفقا لكلامك فجهاز الهيئة غلطان بمعاقبتهم او جهاز الهيئة غلطان بالمطاردة
في الحالتين الهيئة غلطت
و ارجع أقول لك لو فيه قانون واضح يضبط تصرفاتهم ما كان وقعنا في هالاشكالية من الأساس كما انه لا يتم الإنكار في المواضيع الخلافية
باسم
انت مع الهيئة سواء كان فعلهم سليم او خاطئ
—–
اذا كان سليم جيت هنا بالتعليقات وتثني عليهم
واذا كان خاطئ جيت هنا تدافع عنهم !!!
( تذكر انك منت محامي )
ولازم تنصف وتقول الحق
الصح صح والخطأ خطأ
وعلى فكره انا لاعلماني ولا ليبرالي ولا الخ. ورجاءً لاتتطرق لهذي التصنيفات لانها لاتقدم ولا تاخر.
الاخ باسم الله يصلحه عنده مفهوم ان الهيئه هم ملايكه الله في الارض ومنزهين عن اي خطا وهذا قمة الجهل والتخلف يوم تقدس ناس وتقدس شخص مع الايام بيشوفه من الاله
وهذا سبب تخلفنا ان في كثير من الناس قسدوا بعض الصحابه وبعض الائمه وبعض التابعين وجعلوهم فوق الله ورسوله وهذا ماااوصلنا الى هذا الحال من التشدد والقتل والخراج والتفكك وقتل بعضنا البعض ان كل فريق وكل طائفه قددسوا بشر وجعلوهم فوق الله ورسوله واصبحوا يصدقون كل مايقولون ولايصدقون كتاب الله وسنته
انا ماقدست احد ! اي واحد يخطئ ماله الا العقوبه ! مواطن ام غيره ، ذكر ام انثى ، صغير ام كبير ، كلن له عقوبه بمقدار تجاوزه !
اذا ماتعرف النظام يااخي لاتلوم الاخرين وتنتقدهم اذا طبقوه !
اخي الفاضل انا طرحت ابسط قانون نظامي في العالم كله ، اذا انته مشتبه او تحت المساءله القانونيه فلا تهرب لئلا تتفاقم الامور !
وبالنسبه للدفاع عن الهيئه فانا ادافع عنهم بما اراه و افهم مما حصل امامي سواء كان فيديو او مقال ، ولا زلت اقول واردد ، المخطئ يعاقب سواء كان رجل امن او مواطن ، ذكر ام انثى .
والمثال اللذي اوردته عن قيادة المرأه والفكر المطالب لها كان مقاربه لما قد يحصل في حال قيادة المرأه في ظل النظام الحالي والعقول الحاليه اللتي نمتلكها ، حالنا حال الكويت ولن اشبهنا بالامارات لانها ارقى منا شعبن ونظاما وحكومتنا ! وهذا مايثبته الواقع للاسف.
يا اخي العزيز الموضوع الاساسي (اسلامي) بحت.
الناس زعلانه لان رجل الهيئة عمله معتمد اعتماد كلي على الشريعه الاسلاميه.
انا متفق معك ان البنت اخطأت
ولاكن لانظلم البنت ( ونتجاهل الخطاء اللي قام فيه رجل الهيئة ) لا والبعض يحمل البنت كامل الخطاء. ويظهر رجل الهيئه ملاك منزل وتصبح البنت الشيطان الاكبر.
انا ودي اوجه لك سوال واتمنى اجابه عقلانيه وبسيطه
بما ان رجل الهيئه عمله يعتمد على الشريعه الاسلامية.
((( هل العمل اللذي قام به رجل الهيئة ” يتوافق مع تعاليم الاسلام السليمة ” ؟ نعم او لا مع ذكر السبب. لو سمحت.
وشكراً
اسلامي !!
ممكن تذكر لي كلمه واحد ذكرت فيها ان عمل رجل الهيئه اسلامي ! جميع ردودي لم تتعدى الجانب النظامي اللذي اقرته الحكومه في تشريعاتها ، وايضا انا اوضحت لااحد فوق القانون سواء رجل الهيئه او المواطن ، وانا على تمام الثقه ان كلا منهما سوف يتعامل معه بالنظام ، لاحظ يااخي اني قاعد اناقش هالمقطع وهروب البنت من رجل الهيئه ، لاني لاحظت من كلامك انك توسعت في ذكر تفاصيل لم ارها هنا !
لو تكلمنا نظامياً او اسلامياً او اجتماعياً او انسانياً فعل رجل الهيئه مرفوض جملةً وتفصيلا. ومن وجهت نظري لايجب علينا كمجتمع ان نقف مع هذه النوعيات من رجال الهيئه ويجب ان يعاقبون على اخطائهم.
من خلال متابعتي الدائمه لتعليقاتك إليك التالي:
اولاً: انت يا اخ باسم دائماً تنظر الى الهيئه بعين العطف وتتجاهل تماماً افعالهم الخاطئه ( نعم اتفق معك ان جهاز الهيئه مهم ولاكن بحدود ومن تخطى هذه الحدود يجب ان يحاسب )
ثانياً: انت شبهت البنت ( بالمجرم الهارب ) ويجب القبض عليه. وشبهت رجل الهيئه بالرجل المناضل لاجل حفظ السلام والامان ” وهذا اجحاف بحق البنت مهما كانت فعلتها ” (( يجب العدل في الحكم على الاخرين ))
———
وهذا نص كلامك
” اي نظام امني بالعالم يقول اذا فيه حالة اشتباه والمشتبه رفض يمتثل للاوامر او قاوم الاعتقال او هرب فللمسؤول الامني الحق بمطاردته وايقافه بالشكل المناسب !
———
الملخص ل كلامك
المجرم المشتبه به : البنت
المسؤل الامني : رجل الهيئه
ان تكلمت عن المقطع اللي امامي من منظور النظام , وانت لخصت كلامي
“الملخص ل كلامك
المجرم المشتبه به : البنت
المسؤل الامني : رجل الهيئه”
, السبب الاول اللي ماخلاني اتحدث عن رجل الهيئة بصفته الدينيه لسببين , انت ذكرت الاول وانا راح اذكر ايضا هنا, تعامله كان جدا لايمت للدين بصله ومالقى له رجال يؤدبه ويوقفه عند حده ! ثانيا – وانا شخصيا اعتبر هذا السبب الاهم – خوف وعجز جميع الناس واللي المفترض فيهم انهم يدافعون عن المستضعفه وقفوا يتفرجون ولست اعلم لماذا وخصوصا عندما تم ضربها من قبل الشاب امامهم وهم صامتون كالاصنام !
اخي الفاضل انا لست متعاطف مع الهيئه لمجرد انهم الهيئه , انا مع الحق سواء مع البنت او رجل الهيئه او حتى غيرهم , ولله الحمد انا لازلت وماازل وسوف اتشرف في انني يوم من الايام وقفت مع اخت في موقف مشابه جدا عندما اعتدوا عليها افراد الهيئه بالشارع وسحبوها واركبوها السياره, مع العلم ان الاخت هداها الله كانت متزوجه وللاسف مخليه عيالها بالملاهي وطالعه مع رجل اخر , ولكن رفضت انا وكم رجل بالشارع ان تأخذها الهيئه بسياره غير رسميه الى ان تحضر الشرطه او تحضر سياره رسميه من الهيئه .
اخي الكريم , رجل الهيئه ليس منصب , رجل الهيئه دور يقوم به كل مسلم , انا وانت وغيرنا كلنا رجال هيئه , وللاسف اللي حصل عند السوق وضح ان الناس ماعاد فيهم خير ولاغيره ولاحشيمه.
المهم حصل خير ? كل واحد يصلح سيارته ???.
ولاتصف مع الهيئه??? (? خلك منصف وعادل? )
تحياتي?
ابشر طال عمرك ?
والهيئه او غير الهيئه لهم النظام يأدبهم ، عشان كذا لازم كل واحد منا يعرفه .
لئلا تتفاقم الأمور !!!
اخوي اعتذر منك عن هالمثال اللي رح أورده لك لكن تخيل مجرد تخيل انه وانتا في عملك تتصل عليك الهيئة و تقول لك تعال ترانا ماسكين حرمتك ،، بالله عليك بيبقى في رأسك ذرة تفكير ،، مباشرة رح تقول ليش مسكوها ؟!
مستحيل الموضوع ما يسبب لزوجتك مشكلة ( حتى لو كانت موب غلطانة ) لانه اي احد بيشوفك و انتا رايح تأخذها ما بيحسن الظن نهااااااائي
ما بالك ببنت ما تدري كيف تفكير اَهلها و هل رح يتعاملوا مع الموضوع بأريحية او لا
ليش نضحك على بعض
المجتمع ما يرحم و ما يسكت ،، و انتا تبغاها توقف لهم و يأخذونها للمركز ناهيك عن بعض الأعضاء اللي ممكن يلفقوا لها مصيبة هيه ما سوتها عشان ما يطلعوا غلطانين ؟!
شوف حجم الاستياء اللي كان موجه لمدير الهيئة السابق لانه حاول انه يضبط عملهم ،، كمية الفرحة الغير مبررة بإقالته تعلمك انه فيه ناس في هالجهاز مستغلين عملهم لفرض سلطة و سيطرة غير مبررة و غير صحيحة
ايش المصخره هذي بعض الناس يحسسك ان الهيئه هم ملايكه كل شي صح ولايغلطون ايش التصرفات بنت الكلب هذي ؟؟
مطاردات ومدري ايش واخرتها حوادث مميته ايش التخلف والعفن الي نحن عايشين فيه ياخي وين الشرطه والامن استغفر الله العظيم
يجرجرون البنت في الشارع تقول غنمه ياخي حتى لو شو ماسوت ياخي مش بهالطريقه انسان في النهايه ياخي ماحصل في زمن الرسول ولا الصحابه لوا التابعين ان امرأه زنت او ارتكبت ذنب وجرجروها فالشارع كذا ؟؟ اصلا مش من الشهامه ولا الرجوله لوا من القانون حتى انك تجرجر بنت كذا
انت الهيئه بالنسبه لك كانهم ملايكه لاحظت في كل ردودك كانمهم ملايكه لايخطاون وكل تصرفاتهم صحيحه نسيت ان نسبه منهم هم اصلا خريجين سجون وغيره ربوا لحى وحفظ كم ايه وقال انا مطوع وبالهل تعال روح جرجر في الناس وطارد الشباب في الشوارع
ياخي اتمنى انهم يفقلون مراكز الشرطه خلاض اذا البلاد صارت بهذه الطريقه اتمنى يقفلون وزاره الداخليه كامله ويسلمونها لهذي النوعيه من البشر وبنشوف كيف بتكون حال البلاد
بالنسبه لي الهيئه وغير الهيئه محاسب على مايفعل تحت طائلة النظام ، والبنت ايضا محاسبه على ماتفعل كمواطنه ! رجل الهيئه رجل قانون اتخذ الاجراء النظامي تجاه مشتبه به هارب !!! انا استغرب هالتعاطف مع البنت مع العلم انها حطت نفسه موضع اشتباه بالهروب من الموقع وكأن عندها ماتخفيه ! رجل الهيئه لايعلم عن ماهية هاذي البنت هل هي متطرفه او غير طبيعيه او هاربه او تحت ضغط من اشخاص اخرين !
انا كلامي جدا منطقي ، لاتهرب عشان مايتفاقم الموضوع ومن ثم لاتلومن الا نفسك ! الهرب بحد ذاته مدعاه للشك فما بالك اذا كان الهرب نتج بعد الحديث مع رجل امن !؟!؟!
بعدين يااخي الكريم انت قاعد تصرف لي من حر افكارك وتقول في عهد الرسول ! انا مااحب اتفلسفس بنفس هالاسلوب المخيس واقول عهد الرسول لان هالاسلوب قد يؤدي الى التقول و اظهار امثله لم تكن موجوده كما فعلت انت في ردك السابق علي ! لم يرد ان هناك امرأه بعهد الرسول اطلقت العنان لقدميها وهربت عند محادثة الرسول لها عليه الصلاة والسلام او غيره من الصحابه رضي الله عنهم !
للاسف مجاملاتنا و استعطافنا جعلنا نقع في مشاكل كثيره جدا وجعل بعض الحقوق تضيع ، الهيئه تحدتث باحد المقالات عن عقوبه تطال كلا الطرفين ، كل طرف منهم عوقب بما هو مناسب لجرمه لذا اللت والعجن في موضوع منتهي لايفضي الي شئ !!!
معلبش باسم لكن هذي بنت وخير يابوي يركبها بالسياره ليش مع ذا الاوغاد…خلاص يجيبون حرمه عسكريه معهم بالسيارة يسمح النظام طبعاً لا مايسمح وبعدين هي في مكان عام مش ماسكينها في شقه أو خلوه غير شرعية…لكن الصحيح هذا تحرش واستخدام مفرط للقوة ويجب محاسبتهم على فعلتهم ومحاكمتهم محاكمة علنية حتى يكونو عبرة لغيرهم.
للاسف يااختي القطاعات الامنيه كافه لاتوفر عناصر نسائيه مدربه بالشكل الكافي !
كمثال لازالت الجوازات تتعامل مع الخادمات الهاربات بعناصر رجاليه بل لايزال بعض هذه العناصر شباب غير متزوجين وفي مقتبل العمر ! النظام يحتاج الى تطوير تام و انتقاء العناصر المناسبه لتجنب الثغرات والاخطاء الناتجه عن عدم كفاءة المكلف بالعمل .
ياخي يعني الهئية مايخطون ؟
ياخي لازم نعترف في في تقصير
تطبيلنا ماراح يعالج المشكلة نهائيا
اخي الفاضل هل انا قلت بااحد ردودي انهم منزهون او لايخطئون ! الى الان بعض الشباب يعتقد اني اتحدث عن المقطع الاخر اللذي تم التجاوز فيه على حقوق الفتاه !؟!؟ انا اتحدث عن قانونية ملاحقة الفتاه نظاما واوردت مايثبت ذلك ، واثبت ايضا قانونية تصرف رجل الهيئه بالنص ! ماتبع ذلك من تجاوزات فليست بمقبوله ابدا .
تعليقي لم يتناول المقطع الاخر !
يطبقون النظام بس مو زي كذاا يعني لو هي اختك وللا وحده من عائلتك تراضاها زي كذا؟؟ تتكشف عورتها وتتجرجر قدام الله وخلقه!! اي دين واي قانون واي نظام ف العالم يقول هذا الشي إلا فالغرب عندهم عادي
لكن لو هي اختك وللا زوجتك وللا وحده من اهلك والله ما كان هذا كلامك
فخليك منصصف ولا تاخذك الحميه الزايده لهم حتى ف الطريقه الغلط
وانا عن نفسي معاهم قلباً وقالباً ف كل القضايا اللي تششرف وترفع سمعتهم فووق فوووق
لكن فالقضيه هذي بالذات؟؟
لا والله طاحو من عيني
وبصراحه ماراح احد يحترمهم لو ما غيرو طريقتهم الهمجيه هذي
اولا ياختي الكريمه لاحظي انا مابررت لرجل الهيئه فعله بل وضحت ان الاجراء اللي اتخذه بالمطارده صحيح نظاميا , ثانيا اختي وامي وزوجتي لو صار لها شي وانا ماني معاها تبي تدق علي او حتى تستنى الين اجي , مو تركض بالشارع زي المهبوله ! لا حشمه ولا ادب ولا عقل !!!
ثالثا وين اهل البنت عنها ! ماهو معقول يصير كل هذا لبنتهم ولااحد يتحدث او ينكر او يطالب بحقها ! دائما مانقول السكوت علامة الرضى , فهل من المعقول الاهل عادي اللي صار لبنتهم !!
يااختيوالله مارضاها لعدو فما بالك اختي بالاسلام ! للاسف انا اعتب على اشباه الرجال الليواقفين بالشارع ولا سوو شي !!!
طيب البنت تقول مع صديقتها فالسوق وانا نزلت القصه كامله ف رد من ردودي ونزلت كمان مقطع فيديو لرجل الأمن وكان فيه كلام خطير يوضح اشياء الناس ماكانو يعرفونها وغير كذا هو ماله حق يلمسها اصلاً والبنت ما جريت زي المهبوله على قولتلك إلا بعد ما شافت منهم الشي اللي ماقدرت تتحمله وغير كذا اسلوب همجي حيواني يفقع المراره. ليه نعتب عليها لما صارت تجري ف الشوارع من خوفها من الحيوانات هذولا ولا نعتب عليه لما كان هو بعد يطامر وراها زي البعير الهايج.. البنت ما شردت إلا بعد خوفها منهم
واهلها وقتها لو هم معها ماكان تعرضو لها هذولا المخلوقات اصلاً.
لكن اتمنى من كل قلبي ان اهلها يطلعو ويتكلمو ويدافعو عن بنتهم
وهذولا الحمير ياخذون جزاهم
ويحلقون لحاهم يكون اححسن ويفتحون لهم بقايل ويقعدون يبيعون فيها بدال ما يفضحون ببنات الناس كذا
الله ياخذهم
وبالنسبه لأشباه الرجال اللي تقول عليهم
انتا شفت الولد اللي كان واقف وكان يحلف ويقول ظلم او شي زي كذا من قهره!! اش سوا فيه رجل او حمار الهيئه؟؟؟؟
مسكه مع حلقه ودفففه لناحية السياره حقتهم
يعني موو بعيد يلبسونه قضيه لو تدخل.
ماقول إلا حسسسبي الله عليهم ونعم الوكيل
ول ول ول والله ماكنت مصدق الخبر ع بالي مكذبين ع الهيئه طلع السالفه صدق استغفر الله العظيم ولاحول ولاقوة الا بالله غربلوا البنت بمطاردتهم الي يشوفهم يقول يطردون عنز مو ادميه استغفرالله شي يفشل
والله زودوها ايش يجرجرو البنت كذا صح البنت غلطانه بس مو بالطريقة هاذي كأنها غنمه المفروض الهيئة توظف متعلمين مو همج زي كذا بعضهم محترمين بس الاشكال هاذي المفروض تنطرد