مقاطع فيديو

فيديو: تنبيه نظام ساهر للإشارات المرورية

منذ 12 سنة

فيديو: تنبيه نظام ساهر للإشارات المرورية

بسم الله الرحمن الرحيم

السلام عليكم ورحمة الله وبركاته

اولا الهدف من الموضوع الاساسي ليس الاعتراض او التشهير بالنظام
وارجو من المشرف عدم الاستعجال وحذف الموضوع
ولكن الهدف هو تنبيه الاخوان من الكاميرات الجديدة عند الاشارات المرورية ومعرفة نظام الوقوف عند الاشارة
خصوصا ان البعض يلف يمين من عند الاشارة دون التوقف التام وهذا يترتب عليه مخالفة قطع الاشارة

عموما الكاميرات تلقط من يقوم بالمشي ( تعدي خط المشاة ) بعد اضاءة الاشارة بالاحمر
كذلك يقوم النظام بتصوير من ينعطف لليمين دون التوقف التام عند الاشارة ( يجب الوقوف التام لمدة ثانتين )

وهذا اقتباس من موقع ساهر /

آلية رصد المخالفات

قطع الإشارة

– كاميرا أمامية تلتقط صورة للوحة السيارة والسائق .

– جهاز الاستشعار لمخالفة قطع الإشارة .

– كاميرا خلفية لأخذ صورة السيارة وحالة الإشارة.

– التصوير للوحة السيارة والسائق .

اترككم مع الفيديو

نرجو المساهمة في نشر الفيديو لتنبيه الاخوان السائقين
خصوصا قضية الانعطاف لليمين دون توقف
تقبلوا تحياتي ……





31 تعليق

  1. يقول tied:

    لتعطيل أي كاميرا جوال أو غيرها وجهها الى الشمس وخذ لقطة وتمتع بانحراق داخلي للكاميرا .

    واذا كانت الكاميرا لايمكن توجيهها نحو الشمس

    اعكس الشمس بمراية صغيرة معك
    على الكاميرا وخل الكاميرا تاخذ لقطة ( الصورة في ذاك الوقت مستحيل تلقطها ) وبكذا تحرق الكاميرا ولازم يغيرون حساسات وعدسة الكاميرا عشان تشتغل من جديد وهي مكلفة بتكلفة الكامير الله يعينكم يا أصحاب الكاميرات خاصة الجوالات والفيديو

  2. يقول حسبي الله ونعم الوكيل:

    نظام لا يطبق على الجميع نظام قااااصر او بمعنى اصح فااااااااشل
    ليه استثنوا القضاه والوزراء واصحاب السمو هذولا نازلين من الله بخبر
    بعدين اغلب هذولا موب هم اللي يسوقون السيارات اللي بأسمهم يا سواق مايدري
    وين ربي حاطه فيه يا مراهق متهور يسوي كل اللي يبيه تحت مظله ابوه
    ياناس انا مع النظام ومع الحفاظ على ارواح البشر بس موب بهالطريقه
    الأتنزافيه اللي يسوونها فينا صح حنا بشر نخطي بس قبل العقاب لازم التوعيه
    والغريب لما اشوف مواطن يوعي اخوانه مثل الأخ اللي حاط هالموضوع
    والمرور ناااااااااااااايم في العسل ومعجبه الوضع والأستنزاف اللي يصير للخلق والله حرام
    بس ما نقول الا حسبنا الله ونعم الوكيل فيهم

  3. يقول lord:

    جزاك الله كل خير

  4. يقول BLOOKR:

    والله انه كذاب النظام هذا
    لازم اوقف دقيقتين ليش سلامات أقعد واقف بعدين أروح يمين من عند الاشارة
    لازم يتوقف النظام هذا
    أولا ما في احد يقطع الاشارة الا عنده ظرف معين
    ثانيا لازم احفظ كم السرعة المقررة لكل شارع في مدينتي يعني طريق خريص السرعة مثلا 60 الدائري 40 الشارع كذا السرعة كذا … خييييير إن شاء الله
    وبعدين نظام ساهر بيعطل نظام المرور من حيث الجولات الميدانية وش الفايدة منها غير انه اذا صار حادث وباقي الدوريات يفصفصون في الدورية ويطردون الحلوين
    إطلع من راسي انت وياه النظام هذا نظام فاشل ويستنزف أموال العالم المسكينة اللي هنا

  5. يقول ماجور ياقلبي:

    والله نظام سهر حلو وفي نفس الوقت مر وش ذنب الي سيارته مسروقه وش ذنب الي واحد يسوق سيارته وش ذنب الي مسجل سياره بسمه وتجي المخالفات عليه اناا معكم ان فيه ناس ماتهم شي تقطع وتعرض حياة الاخرين للموت بس نظام ساهر مثلا من الشرقيه للجنوب مال امه داعي صحيح ان فيه ناس تسرع لكن اني امشي الف وخمسمية كيلو ميه وعشرين هذي ماتنبلع لكن هذا هو حصل والشكوى لله بعدين يقولون انه يصور الي بالسياره كامل يعني اذا الواحد معااه اهله يصورهم مادري الكلام هذا صدق او كذب .

  6. يقول المستحيل (تركي):

    اعذروني كنت اتمنى اني اشارك بالتعليق الي عندي معاكم وانمسح بالغلط
    ولانه طويل مافيني اكتبه مره ثانيه. ومن قهري بس حبيت اني اعلمكم
    لاكن اللهم انت اعلم بحالنا

  7. يقول وحده من الناس:

    كل شي له ايجابياته وسلبياته انا اقووول ان نظام ساهر نظام رائع وايجابياته اكثر
    وماينفع لكم الا هو والله اليوم رايحه لشغلي الشارع مو نفسه هدوء وانضباط وماشين اقل من الثمانين كلهم رغم ان الشارع مو زحمه
    ههههههه
    والله خلو الناس يمشون يتلفتون يمين ويسار خايفين من الكاميرات
    مواول مطامر وسرعه وتجاوز وقطع للاشارات واستهتار كان الشارع ملكه لوحده…
    انا زوجي قمة الاستهتار في السواقه والسرعه الجنونيه هوايه عنده بس الحين تعدل خخخخخ
    وكمعلومه موثوق منها نسبةالخسائر في الارواح والممتلكات انخفضت بشكل كبير جدا بعد هالنظام
    وخلك ماشي في السليم اسلملك ولغيرك…اسفه على الاطاله

  8. يقول الـقـنـاص:

    من نظام حماية .. لنظام جباية .. اسال الله الهدايه .

  9. يقول no body:

    ونعم فيك يا ثااااامر

  10. يقول صبااا مكه:

    اقول روقونا وسوقوا بعقل والله حرام الارواح الي ماتت بسبب اسستهتار البعض

    وياليته ياخذ حقه الا بالعكس

    حسبي الله ونعم الوكيل بس

    والله انتم تستاهلون النهب اجل يا تسوون البحر طحينه يا تلعنون الحال
    مشكلتكم على كل شيء تتكلمون ولاشيء عاجبكم برضه

    ما جات الا على ساهر والله لو واحد فقد عزيز وغالي وجرب النار الي حسيناها من السرعه وفقدنا غالي

    ماكان هذه هروجكم

  11. يقول ابو رهف:

    ليتهم يسالون مهايطين اليوم الوطنى عن نظام ساهر؟؟؟؟؟؟؟؟؟؟؟؟؟

  12. يقول AL-J0o0ker:

    حسبي الله ونعم الوكيل

  13. يقول فهيدان الدب:

    ايه ايه أحسن احسن

    آآآدب ههههههههههههههههههههههههههههههههههههههههههههههههههه

  14. يقول تركي:

    حسبي الله عليهم …هلكونا بالمخالفات ..

    يعني تغلط وتدعس بنزين بالغلط …مخالفه لا وهي زله يعني يقولوا لك امش 70 ومشيت 71 مخالفه

    ياعالم من بيمشي خط الرياض بسرعه 110

    على كذا ماراح نوصل الا وين وين

    وانتم ياللي تشجعون ساهر
    لما يجيك 9000 ريال مخالفات في اسبوع ذاك الوقت تقول الله يلعن ساهر

    لا وفوق ذلك بعد شهر تتدبل

    يعني ياتسدد 9000 ولا تسددها 18000

    صح ولا انا غلطان :)

    نعتذر عن الاطاله والله يعيننا على هالمخالفات

    قالوا ساهر قالوا

  15. يقول مشاري:

    بارك الله فيك ياساهر تراك شجعتنا على الكمرات هههههههههههههههههههه

  16. يقول Essa Ba-Aziz:

    الا حسبي الله عليهم و حسبي الله على كل (منافق) يشجعهم.
    بطلوكم النفاق يا …. لا تطلعوني من طوري

    هذا الزافت!! (ساهر) محطوط لغرض واحد فقط لا غير الي هو رفع اقتصاد بعض ناس.
    و بقية الأسباب اقنعة غير مقنعة عشان يقدروا المنافقين يقولوا ((نظام))
    تبغى تفهمني انت و هو انه لو طال عمره قطع اشارة حتجيه مخالفة؟؟
    يا بطل روح موت .. هذا النظام عشان يزيد الفقير فقر!

    دام عندهم فلوس زايدة عشان يخترعوا نظام كان حطوها في الطرق الزفت الي على فكرة تسبب حوادث كثير. ولا بس تفنن عشان ينهبونا؟؟
    والله انهلكنا يا ناس .. الواحد يجي يبغى يتزوج يلاقي انه (ال)عاجز ماديا!
    مو حرام؟؟
    طيب دول الخليج جنبنا ماهم اغنى مننا كدول رغم كذا حتى لو عاطل ينصرف له راتب.. و لو جا يتزوج يحصل على (مساعدة) و ليس (قرض تتجنن عشان تاخذه)

    يا ناس والله شعبنا فقير.. افقر مما تتصوروا .. ماهم ناقصين ساهر و غيره.
    اسأل الأب الي يسمع طفله يبكي و ما يقدر يجيب له حليب و يخرج آخر الليل يدور احد يسلفه و آخرتها يجلس قدام بيته رجال بشنبه يبكي من القهر و الضعف!

    آسف على الإطالة بس من قهر.

    1. يقول N9oR:

      والله انك صادق والي ماذاق المر مآيعرف طعمه :(

  17. يقول عبدالعزيز القحطاني:

    والله طفشنا الحين الشوارع الفرعية مفروض السرعه مستحيل امشي 80 وفي الاخير يجي باص ويصورك وتسألهم ويقول السرعه 70 وش هالكلام ياناس الدعوه فيها ظلم وووووواجد لاحول ولاقوة الا بالله حسبي الله ونعم الوكيل يعني خايفين علينا على ارواحنا هههههههههههههه لا علشان الفلووووس

  18. يقول معقب:

    والله الصراحة ساهر ما فيه احلى منه وياليت يطبقونه في كل السعودية يا اخوان حتى الدوريات صارت تمشي بسرعة وتقطع اشارات علشان يتكلم مع صاحبه والا يسحب الراتب حرام انا ماشي بحالي ويجي واحد يصدم سياراتي وبالاخير يعطيني كم ريال ويقولي روح سمكر سيارتك لا نبي النظاااااااام ولا احد يسرع

  19. يقول bj:

    ياخي صراحة والله نظام بطل,,,دحين لو تمشي في السليم ما تلاحظ الفرق ,,,, لا واحد سقط عليك ولا انتا رميت على واحد وبالمرة مانزلت اتضاربت معاه.
    وياعمي حتوصل حتوصل فين ماتبغا,, لو تمشي بهداوة تتجنب مشاكل!!!!

  20. يقول ميدو:

    والله ما في احسن من النظام ورحين تشوفوا الفرق من قلة الحوادث ان شا الله وشكرا لك يا اخي العزيز على هذا الموضوع

  21. يقول مجنونته YE:

    ثانكس ع التنبيه
    >> وش تحس فيه ؟ ;d
    يسلمو

  22. يقول ahmed al ghamdi:

    بصراحة عشنا سنين على الواسطة ، فمن عنده واسطة ما احد يخالفه واذا خالفوه اتصل بواحد منهم وشالوا عنه كل شي. بينما المسكين ياكلها مفلفلة .
    فاليوم دعونا نجرب نعيش مثل العالم المنظم ونرتب انفسنا بانفسنا .
    ام اننا قوم لا نعرف النظام ؟؟ وما نعيش الا للناس وعليهم ؟
    ليتنا نتعلم مثل بقية العالم ، ينظم نفسه بنفسه ويحكم نفسه بنفسه ويشوف الصح ويمشي به ويعرف الخطاء ويتجنبه
    ولابد لنا من هذا الشيء لان الحوادث اكلتنا ولم تتوقف .
    وشكرا .

    1. يقول الشايب:

      ومن قالك ساهر ماتمشي عنده الواسطه بس تعرف أحد بالشركه حيزبطك يباشا وماتكلش هم

    2. يقول T:

      نظامنا مايجي الا بساهر بس ؟؟؟؟

      خلنا ننتظم باشياء اهم منه اول بعدين نجي لساهر ..

  23. يقول ثااااامر:

    وش الي حسبي الله ونعم الوكيل انت وياه يالي تتحسبون على المرور
    الحين انت تقطع الاشاره وتبي المرور يجي يصفق لك ويعطيك ورده لأنك التزمت بقواعد المرور وأدخلت بسبت غلطه ٣ للمستشفى و ٣ زيهم مقبرة العود وتقول حسبي الله الا حسبي الله عليك انت وش ذنب الي انت صدمته الرجال ماشي في حال سبيله لا له ولا عليه وتتبلى عليه في حادث وتقول برضوه حسبي الله

    1. يقول العندليب:

      البخ أثابك الله

  24. يقول saeed:

    والله مشكله الانعطاف الحين اغلب اسواقين

    ما يدروون يجيك مشوت وينعطف يمين

    لاكن يعطيك الف عافيه اخوي ابرهيم على التوضبح

  25. يقول N9oR:

    حسسبي الله ونعم الكويل بصراحه عذبونا مع سارق

  26. يقول COOL:

    ساعة بعشرة اجنين والحسابة بتحسب انا بسوي تحويل لراتبي لعيون المرور هع هع ورجع وقول ارفع راسك انت سعودي غيرك عايش ونت ارقودي

  27. يقول الرحال العربي:

    يعطيك العافية و بارك الله فيك
    و شكرا على التنبيه

اشترك في نشرة مزمز الإخبارية

تفقد البريد الوارد او صندوق الرسائل الغير مرغوب فيها، لإيجاد رسالة تفعيل الاشتراك

لإستقبال نشرة الأخبار، فضلاً اضف بريدك أدناه