فديو: بنت سعودية لابسه عقال وتتمشى في شوارع الرياض

فديو: بنت سعودية لابسه عقال وتتمشى في شوارع الرياض

http://mz-mz.net/wp-content/up/ksagirl.jpg

هذي بنت سعودية لابسه عقال وتتمشى في شوارع الرياض

وسوت جمهره غير طبيعية هي وولدها الصغير

لماذا فعلت ذلك … الله أعلم

الخلاصة/ شوفوا واسمعوا الألفاظ البذيئة اللي تعرضت لها من بعض الشباب

شوفوا المقطع

مشاركة : دفہا احہساسہى றISs ⣮ééM

52 تعليقات
  1. ابو هلال العنزي يقول

    الله لا يبلانا ولا يبلى مسلم

  2. الحياة حلوة يقول

    مريضة………..
    الله يشفيها ولا يبلانا
    الله يهديها..!!!

  3. عدي يقول

    ايش فيها حرمه مع وليدها الصغير رايحه للسوق ماقول الا الله يخلف على امهاتكم ملاقيف

    1. خالد يقول

      اشفيها ؟
      لو امك او اختـك اللي طالعه كذا بتقول وش فيها !

      الله يستر على بنات المسلمين اجمعيـن : )

      الشرهـه مو عليها ع الاساس اللي خلاها تطلـع كذا

    2. من واقع البلد يقول

      لاحول ولا قوة الا بالله البنت تعاني من مرض نفسي جد اتكلم من واقع خبرتي بعلم النفس نظراتها ومشيتها برتفاع والارتكاز

      هولاء كلها تدل انها تعاني من مشكلة الدلال والنتكاسه والكبرياء والحب بتلاعب بالجنس الاخر ماابي اوضح اكثر
      لكن نسئل الله لها الهداية
      وثانيا اخي رعد انا اصف مع اخي خالد كلام اخي خالد عين الاعتبار
      انت تتكلم من منطق حب الانفتاح والحريه من الطرف الاخر لكن من عائلتك لاتسمح اخي اعيد برمجيت كلامك وخف من الله اولا
      احنا مجتمع محافظ مسلمين من اراد الستر ستره الله ومن اراد اشهار المعصيه اذله الله من اضعف مخلوق
      سبحان الله والحمدلله والله اكبر لا اله الا انت سبحانك اني كنت من الظالمين

      1. m يقول

        جزآآك الله خييير أخووي ، كلامك عين الصوآب

  4. سعد يقول

    الحرمه مافيها شي
    الا المتخلفين الى يقذفون الكلام وش دخلهم فيها صدق تخلف شباب متخلفين وعقولهم مريضه لا علم ولا اسلوب معامله قالو احنا نتحلى بالاخلاق الاسلاميه
    ياشيخ تادبوا

  5. عبدالعزيز يقول

    الله يشفيها ويستر عليها ويهديها هذا حقها علينا

    ومن ناحية ليش سوت كذا واضحة مايحتاج لها تفسير

    اذا كان رب البيت بالدف ضاربا ××× فشيمت اهل البيت الرقص

    اتمنى مثل هالامور لاتنشر على هالقروب الرائع

    ولكم مني جزيل الشكر

  6. عبوووره الاموره يقول

    موب صاحيه

  7. عبدالرحمن يقول

    الله يهديها قولي آمين
    لا تعليق
    الشاب المحترم ماتطلع منه الا الكلمة الطيبة واسمحولي صح اللي يشفونه شي خطير بس احترم نفسي وابلع لساني احسن لي.

  8. محترم يقول

    همج

    اش دخل ام ام ام ام ام ام امهم فيها

    يمكن مريضه يمكن شي

    افففففففففف عالم معفنه جيف

  9. تفااااحه لزيزا يقول

    لاتقول عنها ****** لانك انت كذا تقذف المحصنات وغير كدا يمكن الحرمه فيها خلل ولا مرض نفسي ومع احترامي لشباب المملكه كلهم همممممج بمعنى الكلمه يعني مايصدقو يشوفو بنت ورااااه جري كلالاب مافي منهم فايده وبقول شغله شوفو دول الخليج يشجعو مباراة ومفسخات ويستهبلو ومعلايه واوم الهبل وماحد عندهم ولا احد يتحرش بهم انتو بس تفلو واحنا يعيني الوحدة بس لو طلعت وحدها قالو مدري وش تبغى وفيها ومايخطيها حتى الولد الصغير مارحموه حسبي الله عليهم عيال الرياض والله ماعليهم شرهه معروفين والله لو انها في بيتها ولقيو عليها طريق ماوفروهااا مو الكل ولكن الاغلبيه تطورو خلاص احنا صرنا 2010يعني خلالالاص عصر انفتاح يابهااااايم افهمو

    1. صــــووت السعوديه من استراليا يقول

      وبعدين وش مطلع البنت تشجع ..
      والله اللي يبي الدح ما يقول اح ..
      اذا تبي تشجع لازم تتحمل اللي يجيها ..

      لأنه معروف ان ما ينزل للتشجيع الا اردى طبقات المجتمع فشي طبيعي راح تطلع منهم كلمات نابيه هذا زين ان ما تعرضوا لها باليد او احد سحبها واغتصبها ..

      ولا تقولون هذي الافعال الهمجيه بس في السعوديه في كل مكان في العالم وخاصه في وقت التشجيع شي طبيعي تصير مثل هالاشياء من بعض حثالة المجتمعات ….

    2. رجل لا يحب المجامله والانفتاحيه الحقيره يقول

      والله مابهيمه الا اللي يشوف البلى ويقول عااادي تطورو الناس واصله قمة الحقاره 2010 على قولك . وبعدين اي محصنه تم قذفها هذي مجاهره بالمعصيه نسال الله السلامه والستر . وانا اقول تستاهل اللي جاها مع اني ما أيد الشباب اللي تلفظوا عليها مع اني ماسمعت اللفاظ اللي تقولوا سوى شغب لأن الاسلام يأمر بالمعروف وينها عن المنكر باللتي هي احسن والكلمه الطيبه . اما بالنسبه لها من وجهت نظر الله يقوي الشباب فيها في كل سافره وفاجره تعمل هذا العمل السيئ . وكلامك في دول الخليج مدري ايش انا اقول هذي بلاد الحرمين لازم تكون فيها الاخلاق الحميده لأنها قدوة العالم كلهم . اما العلمانيين وغيرهم على شاكلتهم موتوا بغيضكم في صدوركم .
      يارب استرنا فوق الارض وتحت الارض ويوم العرض
      اللهم انا نسألك الانس بقربك

  10. عبدالمجيد يقول

    كأنهم شايفين بنت من كوكب المريخ
    تخلف + همجيه + فوضويه + انحطاط
    لو واحد أجنبي شاف هالفيديو وش راح يقول عننا ؟
    لا ويعتبرون السعوديه بلاد الحصانه للمرأة وحفظ حقوقها ؟ اي حقوق بس ؟
    كرامة المرأة بل الانسان مهدورة في هالبلد
    وياللي قذفتوا البنت مااقول غير الله يبتليكم بأنفسكم وتذوقوا اللي اللي ذاقته المسكينه

  11. Adviser يقول

    لها داعي هالالفاظ بالشارع ؟ بنت وماشيه بالشارع … تبي تحط عقال تبي تلبس مايوه تبي تعلق راية المجلس الرئاسي … انتوا شكو طيب ؟
    كل انسان حر بنفسه

  12. Hamdan يقول

    اوكي كلنا نتفق ان البنت مخطية
    لكن أبداً مايحق لأي احد إنه يتلفظ عليها مهما يكون
    ياخي انكار المنكر مو بالسب والشتم والكلام البايخ للأسف ان عندنا مثل هالأشكال…

  13. الجوووري يقول

    طبب هي غلطت بمشيتها في الشارع انتوا يالهمج اعكسوا احترامكم وثقافتكم ولا تتلفظون كذا نشوف بس صدق مافيه عقوووووووول

  14. ، mot3'trs-h يقول

    ،

    أؤل ششي هي حآططه عقآل الؤلد اللي تقؤده ،
    وشمآغه مآسكته بيدهآ
    يممكن تبي تلفت الانتبآه ،
    يمكن تعآني من خلل في الهرمونآت ،
    أؤ يمككن انهآ شششطحت ..
    أؤ مدري ؤش لفعهآ بالضبططط!!

    ؤفعلاً هي ” بيتشش ” بتقؤلي ليشش / أقؤلك :

    * ؤآحد – لآنهآ متبرجة وكآشفه ؤجههآ
    فـ اللفظ اللي قآلؤه مآظلمهآ أبددد
    بالعكس تحسه في الصميم :)
    ؤمع هذآ ذآ اششؤف مآله دآعي ينقآل
    أحتراماً للذؤق العآم فقططط ،

    * إثنين هي أيضا ” بيتشش ”
    لحركتهآ ألاكثثثر من سقيممممه
    على الاقل تحترم
    انها تربي ” طفل ” ، ومآتطلع بهذآ المنظظظظر
    حتى مآتجيب الهرج لـ نفسهآ
    لذلك لؤ تبي الستر ؤ الكلام الطيب ،
    مأطلعت بذا الشكل ،

    ،

    آخر شي تفآحة لزيزه
    رؤحـيي مؤتـي بالله :)

    1. m يقول

      آخر شي تفآحة لزيزه
      رؤحـيي مؤتـي بالله :)

      ههههههههههههههههههههه

      إي والله الا تنتحر ض1

  15. الغريب يقول

    والله تخلف من الحرمة والناس !!؟؟

  16. ابو حلا يقول

    على شان ما اطول هاذي كانت في اليوم الوطني وطالعة من المول زيها زي غيرها الي لم يتم تصويرهن

  17. لولو يقول

    يعني كل من لبس الثوب يكون سعودي ؟!!
    أو كل من لبست العبآية تكون سعودية ؟!!

    الحكآية ومآفيهآ لفت نظر
    والمعنى ببطن الشآعر

  18. ميااس يقول

    هي الله اعلم ايش حالتها لاكن الشعب والعالم يلي مسوين زحمه ويلي بمرضو العمرو ما مرض ايش نقول عنهم فعلا تافهين

  19. ولد الديره يقول

    الحمد لله على نعمة العقل
    صراحه ان الانسان لما يشوف مثل هالمواقف يسأل الله ان يتم عليه نعمة العقل والدين= وان يحمينا واهالينا من هالمواقف والامور المخله بالدين والاخلاق

  20. Alotaibi Bandar يقول

    اللهم استرنا واستر عوراتنا
    فوق الأرض وتحت الأرض ويوم العرض

  21. كــــوكــــــو يقول

    البنت هاذي مسترجله عقال وشماغ وتمشي وسط الشارع ليه ما مشت على الرصيف

    والله زااااحفه ههههههههههههههههه الله يهديها ويهدي الشباب الي يتكلموو عليها بس ما يلاموو وحد تمشي بين السيارات وكاشفه الوجه وعقال وشماغ

  22. المتألق في زمن الصعاب يقول

    لا تكونو سطحيين وحده ماشيه مع اخوها الصغير او ولدها وحامله شماغه وعقاله وعابرين الشارع رايحين وش فيها وفي حالها , الشباب هذي شغلتهم التعرض لها بتحرش بها ليش , وبعدين ما عرفنا هل هي سعودية او لا ايها الشعب السعودي كون واعين اكثر من الانجراف نحو تلك الاخظاء التي تمس مجتمعكم وتصوركم بأبشع الصور وتنشر في كل مكان انتم شعب محسودين على النعمة اللي عندنا فلا تكونو صيد سهل انتبهو انتبهو انتبهو

  23. الزعيم يقول

    اول شي مشيتها بين السيارات بهالطريقة غلط
    وجودها بالهمكان غلط
    الشباب متخلف وما يخاف الله
    ما بحكي غير الله يهديها ويستر عليها ويهدي شباب المسلمين

  24. سارة يقول

    يعني وحده تمشي بين رجال وبوسط الطريق وش تسمى هالوسخه

    قاعده تستعرض

    الحمد الله الحكومة ماقصرت حاطه ارصفه للمشي مو بوسط الشارع تمشي

    باليوم الوطني شكلها

    وع عليها

    وشكلها مو سعوديه جايه تستهبل

    تستاهل اللي انقااال عنها واكثر

    واللي يقولون عادي اكيد عندكم عادي لانكم ديوثيين وماكلين لحم خنازير كمان

    ولا عادي احد من محارمك تطلع بهالشكل اكيد عهادي لو مو عادي كان ماقلت انه هالشي عادي يصير وقعدت تدافع عنها

    انا وانا حرمه استحقرتها ياربي تعافيها ولا تبلانا

    ياقلبي على هالصغير اللي معها ولا هي استغفر الله بس

  25. دلع شرقآويه يقول

    ههههههههههههههههههه

    ووين جالسسسين سسلاماااات ههههههههه

    هذي مو صآآحييه وربي ..

    اصلا قآصدتها هالحركه وتلوومون الشباب لو تحرشوا واللي قاهرني تمشي بين السيارات بوسط الشارع مآعندها عقققل وربي ..
    والا جيبوا لي وحده بعقلها تتمكيج وكاشفه والجينز طالع وتمشي بين الشباب وبوسط السيارات وبالشارع كممان هههههه

    تسسستآهل مايجيها هي اللي سوت بنفسها هييك …

  26. فديت جووج اللي ماصلحت لي الحلا يقول

    واتمختري ياحيلوووه يازينه..
    وش رايكم بردي رد متحضر، وواحد في 2010 ولا وش رايك ياتفاحة لزيزه، بكذا واكبنا التطور..
    انا شميت عطرها وانا في بطن الحوي ((الملحق))

  27. الحياة حلوة يقول

    الله يخرس لسانك

  28. واحد طش يقول

    هاللي قال ان الشباب همجيين بقوله واحد اللي تكلم مهوب كلهم والباقين مصدومين من المنظر،، ياخي حدث غريب
    وثانيا وليه ماقلتوا عن البنت شي؟ ياللي قلتوا ان الشباب همجيين..

    هي اللي غلطت وتتحمل هالكلام اللي جاها (جنت على نفسها جنت براقش) يالله الستيره من حشمتها ماتفرق بينها وبين الزفلت يادافع البلا
    وبعدين وش 2010
    يعني 2020 عادي يمشون مافصيخ ربي كما خلقتني ؟؟

    يعني اذا بتعمون على الشباب كلهم انهم همجيين عموا على البنات كلهم من هاللي تتمخطر.

  29. AMOL يقول

    من جد تفكيرررررركم عقييم بذمتكم من وين تفكرون..

    الحرمه مع ولدها تمشي تمشي والا المشي بعد حرااام ..ماسوت شي والا يقول كاشفه عاد كشف الوجه مو محرم عشان تالفون من مخكم يامال الفعص..

    ثانيا من جد عيب وربي عيب العالم تمشي قدام واحنا وراا اكبروا اكبروا ..الى متى وحال شبابنا كذا بنت نزلت الشارع يقولون متخلفه تراا مو حرام انها تنزل الشارع …الله لايحلل ولايبيح اي رجال تلفظ بالالفاظ مثل وجهه..

    هذا حال السعوديه ..ماهمهم غير البنااات كانهم مخلوقات فضائيه مايعرفونهم

    مع احترامي للشعب السعودي لاكن من جد تكسرون الخاطر على عقلياتكم ..

    ((السعوديه بلد التخلف والتصنع المكشوف)) احييكم على تخلفكم

  30. حموووودي يقول

    والله ينااااااااس حررام الا متى هتخلف ليش القذف والكلام الي مايحتاج ينقال حتى لو غلطانه ماااراح تحاسبها انت ولا غيرك

  31. ديدي يقول

    والله انكم قمة في التخلف، الحرمة شكلها خارجة من حفلة كان ولدها لابس ومتشيك ولما خلصت الحفلة رمى لها الطاقية والعقال اللي حطته على راسها ، انتم الناس الفارغين ، سيبوا كل واحد في حاله واعتقد انها انسانة عادية جدا وانتم التافهين ، غلطتها انها ماشية بين السيارات بس وما تعرف انه في السيارات وحوش جوفاء

  32. Mimichiro يقول

    طيب لحظة لحظة
    كل واحد قاعد يتفلسف على كيفه
    حتى لو هي فيها على قولتكم “مرض نفسي”
    ما المفروض إنهم تلفظو عليها بمثل هالألفاظ
    يعني كل أحد قاعد بس يشوف إيش هي سوت و مخلي الباقي على جنب
    افرضو أحد قال هالكلمة بوجود أخوانكم الصغار وش بتسوون؟
    والله لو أنها طابة فالنار, إيش دخلهم فيها؟
    فكرو شوي يا مخ

  33. بنت رجال ماتهاب يقول

    ورافعه راسها بعد مسويه نفسها تشرف بالهالحركه الغبيه اللى مثلها باين بنت شوارع هيا وشكلها االاهبل وسط شارع وبين الشباب بنت حرام هذى وياكثرهم بنات الرايض مالت بس ع اللي رباك

  34. بنت رجال ماتهاب يقول

    شرب

  35. JHoDY iTaLY يقول

    نننننننققققققصصصصصص الله لا يبلاانا =[

  36. slam يقول

    الله يستر علينا والله ماكأننا في السعودية في بيئة الرسول الكريم صلى الله عليه وسلم واللي وصانا انه نستر اخينا المسلم

    اش الالفاظ البذيئة
    واش التهجم الغريب عليها
    ومارحمنا الطفل وهو مستغرب وماهو عارف وش يسير
    ومارحمنا الحرمة وماندري وش فيها يمكن عندها انفصام شخصية ولا عندها مشكلة
    وحتى وان كانت نيتها شينة ليش هالسعار الغريب من هالشباب الطايش
    اللي امتلأت قلوبهم بالقسوة والطمع والكلمات المستنكرة وفين في السعودية
    الله انا نعوذ بك بما فعل السفهاء منا ولا تنزل سخطك علينا يارب العالمين
    لاحول ولا قوة الا بالله
    عتبي على هالقروب ماله حق ينشر مثل هالمواضيع
    البنت انفضحت واهلها بعد كلهم الحين بحالة

  37. حياة اصعب stc يقول

    حب الوطن ترك تطلع

  38. طيوووفه يقول

    الحمدلله والشكر اللهم لا تبلانا

    اهل العقول برااااااحه

  39. حيدر أباد يقول

    أحس كل الحريم اللي بالعالم فيهم أمراض نفسية

    1. 187 يقول

      احيانا احس بهذا الاحساس

  40. موزه يقول

    مشكوووووووووووو

  41. أبو علي يقول

    البلا موفيها الله يهديها البلا وش ذنب هالصغير اللي معها تكون أمه كذا الله يثبتنا على الهداية في زمن إتباع اليهود والنصارى(ولو دخلو جحر ضب لدخلتموه)

  42. محمد يقول

    ياشباب هذي اردنية تتمشى في التحليه مو سعوديه وعندنا الناس هنا اذا شافو بنت خلاص يبدون يصيحون ياااا هاااا يايااا مستغربين الوضع لانها جرياه ومطنشتهم ولاهي مستحيه

    بس انا ضد هذي البنت

    ضد او مع خروج النساء لتحليه وكشف وجوههم ؟ ضد ههههه

  43. ريان يقول

    يا جماعه مافي داعي نكبر الموضوع انا عندي تفسير واعتقد انه صحيح لو لاحظتو انها شايله شماغ بيدها لكن الشماغ صغير يعني ولدها كان لابس الشماغ والعقال والظاهر انه تعبها فشالت الشماغ وحطت العقال على راسها لانها ماسكة ولدها باليد الاخرى وعلى الاخ اللي يقول ان مشيتها مشيت مريضة لازم تمشي كذا عشان ما تخوف ولدها لو لاحظتو الولد خايف مو عارف ايش الموضوع
    لكن خلينا واقعيين شوي لا يجوز ان احد يتلفظ بالالفاظ المخلة بهاالطريقة دعو الخلق للخالق واذا ما نصحت لا تسب وتقذف

  44. ياسر يقول

    هذه والبنت تمشي بالشارع
    كيف لو خلو البنات والحريم بقيادة السيارة …الله يستر علينا وعلى بنات المسلمين

  45. ابو عصام السوري يقول

    طيب حتى لو الامراة اخطات ما هكذا يكون الامر بالمعروف والنهي عن المنكر ابدا هؤلاء شعب همجي سعودي جاهلي ( كلا ان الانسان ليطغى ,ان راه استغنى) اعراب وكل همهم بالدنيا النساء , الله يهديهم ..

اترك رد