ميدو يعتذر عن الفيديو المسرب: أنا لست ملاكاً

اعتذر لاعب الزمالك ومنتخب مصر السابق، أحمد حسام “ميدو”، عن الفيديو الذي تم تسريبه أمس الجمعة، لرباعي إستوديو تحليل مباراة مصر والبرتغال، والتي انتهت بفوز المنتخب الأوروبي على “الفراعنة”، 2-1 في الدقائق الأخيرة من عمر اللقاء.

وكتب ميدو عبر حسابه الشخصي على تويتر: “‏امبارح اتسرب فيديو واحنا قاعدين في الفاصل بنعتذر طبعاً لكل الناس على كل لفظ خارج فيه.. وإن شاء الله هنجيب الخائن للأمانة في أسرع وقت ممكن.. أكيد مش ذنب أي حد أنه يسمع الألفاظ دي!!”.
وأضاف ميدو: ‏”أما عن الشباب اللي عايشه الدور ومصدومين من الألفاظ وكده، وكانوا فاكرين إن احنا واحنا بنتكلم مع بعض بنبيع سبح وفوانيس، فبقولهم معلش ما تتخضوش ميدو عمره ما عمل نفسه ملاك، ولا عايز الناس تفتكره ملاك!!”.
واختتم كلامه قائلاً: ‏”كلنا واحنا بيننا وبين بعض بنهزر وبنضحك، وأكيد لو أي حد سجل ليك إنت وصحابك في كلام أكتر من كده ممكن يطلع.. مره تانية باوعدكم هنجيب اللي سرب الفيديو ومش هنسيبه!! صباح الفل عليكم جميعاً!!”.

 للإشتراك في واتساب مزمز، ارسل كلمة "إشتراك" إلى الرقم 00966544160917
 للإشتراك في قناة مزمز على تيليقرام، اضغط هنـا